ДЗЯРЖОРГАНЫДЗЯРЖОРГАНЫ
Флаг Аўторак, 18 студзеня 2022
Мінск Пераменная воблачнасць -5°C
Усе навіны
Усе навіны
Прэзідэнт
15 лістапада 2021, 09:04

Лукашэнка расказаў аб магчымых паўнамоцтвах УНС па новай Канстытуцыі

Фота з архіва
Фота з архіва

15 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб магчымых паўнамоцтвах Усебеларускага народнага сходу, якія абмяркоўваюцца пры падрыхтоўцы паправак у Канстытуцыю. Адпаведную заяву кіраўнік дзяржавы зрабіў у інтэрв'ю галоўнаму рэдактару расійскага часопіса "Национальная оборона" ваеннаму эксперту Ігару Каротчанку, паведамляе БЕЛТА.

"Мы разумеем, што трэба павышаць ролю Канстытуцыйнага суда. І не Прэзідэнт павінен фарміраваць Канстытуцыйны суд, таму што КС павінен даваць і заключэнне па выніках прэзідэнцкіх выбараў, - звярнуў увагу Аляксандр Лукашэнка. - Мы сёння пагаворваем аб тым, каб гэта вывесці на Усебеларускі народны сход. Можа, нават і старшыні Вярхоўнага суда (назначэнне. - Заўвага БЕЛТА)".

У ліку магчымых паўнамоцтваў УНС таксама пытанні аб'яўлення вайны і міру, імпічменту, адпраўка ваенных за межы Беларусі, фарміраванне Цэнтральнай выбарчай камісіі. "Наогул гэта вышэйшы прадстаўнічы орган. Так ён мысліцца", - заявіў кіраўнік дзяржавы.

У той жа час, размяжоўваючы ў новай Канстытуцыі паўнамоцтвы Прэзідэнта і УНС, ні ў якім разе нельга дапусціць у краіне двоеўладдзя, акцэнтаваў увагу беларускі лідар. "У нас павінна быць прэзідэнцкая рэспубліка. У адваротным выпадку краіну знішчым, - падкрэсліў Аляксандр Лукашэнка. - Вельмі тонкая грань, каб Усебеларускі народны сход не стаяў над кіраўніком дзяржавы, не ўмешваўся там, дзе не трэба, у работу органаў улады, але меў дастаткова паўнамоцтваў, каб не было форс-мажораў і краіна развівалася спакойна".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі