Сцяг Серада, 19 чэрвеня 2024
Усе навіны
Усе навіны
Прэзідэнт
15 сакавіка 2024, 15:32

Лукашэнка: Прэзідэнту давядзецца лічыцца з рашэннямі УНС, але важна не дапусціць канфлікту
 

15 сакавіка, Мінск /Кар. БЕЛТА/. Прэзідэнту давядзецца лічыцца з рашэннямі Усебеларускага народнага сходу - органа, які атрымаў канстытуцыйныя паўнамоцтвы. Але пры гэтым важна не дапусціць канфлікту. Аб гэтым кіраўнік дзяржавы Аляксандр Лукашэнка заявіў на сустрэчы, прымеркаванай да 30-годдзя Канстытуцыі Беларусі, перадае карэспандэнт БЕЛТА.

"УНС - гэта сур'ёзны народны канстытуцыйны кантроль над усімі працэсамі ў краіне. І Прэзідэнту, які б там ні быў Прэзідэнт, давядзецца лічыцца з тымі рашэннямі, якія будуць вынесены на Усебеларускім народным сходзе. Мая цяпер задача - не дапусціць канфлікту гэтага. У гісторыі было заўсёды так - канфліктавалі. А нам нельга дапусціць гэтага. Я ўпэўнены, што з вашай дапамогай, людзей адукаваных, прагрэсіўных, нам удасца гэта зрабіць. Нам трэба ўтрымаць краіну", - заявіў беларускі лідар.

Аляксандр Лукашэнка адзначыў, што УНС у якасці калектыўнага розуму выбера аптымальны варыянт развіцця: "Адзін чалавек, які б ён ні быў, з такой жорсткай уладай, як цяпер... Хто яго ведае, справіцца - не справіцца. Таму, не перашкаджаючы Прэзідэнту, як я і ставіў задачу перад Канстытуцыйнай камісіяй (ён - кіраўнік дзяржавы, ён за многае будзе адказваць), УНС павінен акуратна знайсці сваё месца ў нашым грамадскім ладзе. Гэта мы з вамі павінны зрабіць. Таму будзем гаварыць аб гэтым на чарговым Усебеларускім народным сходзе".

Прэзідэнт таксама звярнуўся да вопытных людзей, папрасіўшы іх не адыходзіць ад гэтага працэсу. "Вы не адыходзьце. Мы адыдзем тады, калі моладзі перададзім у спадчыну тое, што мы з вамі пабудавалі", - сказаў ён.-0-
Падпісвайцеся на нас у
Twitter
Топ-навіны
Свежыя навіны Беларусі