Сцяг Чацвер, 13 чэрвеня 2024
Усе навіны
Усе навіны
Прэзідэнт
05 мая 2024, 09:00

Лукашэнка павіншаваў праваслаўных хрысціян Беларусі з Вялікаднем

5 мая, Мінск /Кар. БЕЛТА/. Кіраўнік дзяржавы Аляксандр Лукашэнка павіншаваў праваслаўных хрысціян Беларусі са святам Вялікадня. Аб гэтым БЕЛТА паведамілі ў прэс-службе беларускага лідара.

"Шчыра віншую вас са святам Вялікадня. Яно ўвасабляе трыумф жыцця над смерцю, перамогу дабра над злом, пакорлівасці і самаахвярнасці над усёдазволенасцю і эгаізмам. Святло велікодных дзён нагадвае нам пра вечныя евангельскія ідэалы даравання і спагады, любові і клопату пра бліжніх", - гаворыцца ў віншаванні.

Прэзідэнт адзначыў, што разам са Святым Хрыстовым Уваскрэсеннем адраджаецца і прачынаецца вясна, сэрцы вернікаў напаўняюцца гармоніяй і спакоем. "Сёння гучанне званоў Праваслаўнай Царквы сімвалізуе трыумф на нашай зямлі сапраўдных каштоўнасцей хрысціянства, якія збліжаюць пакаленні, выступаюць асновай адзінства беларускага народа", - падкрэсліў Аляксандр Лукашэнка.

Віншаванне Прэзідэнта Беларусі са святам Вялікадня

Праваслаўным хрысціянам Беларусі

Дарагія суайчыннікі!

Шчыра віншую вас са святам Вялікадня.

Яно ўвасабляе трыумф жыцця над смерцю, перамогу дабра над злом, пакорлівасці і самаахвярнасці над усёдазволенасцю і эгаізмам. Святло велікодных дзён нагадвае нам пра вечныя евангельскія ідэалы даравання і спагады, любові і клопату пра бліжніх.

Разам са Святым Хрыстовым Уваскрэсеннем адраджаецца і прачынаецца вясна, сэрцы вернікаў напаўняюцца гармоніяй і спакоем. Сёння гучанне званоў Праваслаўнай Царквы сімвалізуе трыумф на нашай зямлі сапраўдных каштоўнасцей хрысціянства, якія збліжаюць пакаленні, выступаюць асновай адзінства беларускага народа.

Няхай Божая благадаць увойдзе ў вашы душы і сагрэе цеплынёй дамы, а сямейныя сустрэчы падораць шчасце і радасць.

Жадаю вам міру, згоды і моцнага здароўя.

Аляксандр Лукашэнка,
5 мая 2024 года.-0-
Падпісвайцеся на нас у
Twitter
Топ-навіны
Свежыя навіны Беларусі