ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +16°C
Усе навіны
Усе навіны
Прэзідэнт
17 снежня 2021, 09:52

Лукашэнка павіншаваў Папу Рымскага Францыска з 85-годдзем

Папа Рымскі Францыск. Фота АР
Папа Рымскі Францыск. Фота АР

17 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Папу Рымскага Францыска з 85-годдзем. Аб гэтым БЕЛТА паведамілі ў прэс-службе беларускага лідара.

"Жыццёвы шлях Вашай Святасці цалкам звязаны са служэннем Богу і людзям, - адзначыў кіраўнік дзяржавы. - Ваш асабісты прыклад мае асаблівую каштоўнасць і значнасць як для каталічнай паствы, так і для ўсяго свету. Прыемна адзначыць высокі ўзровень адносін паміж Беларуссю і Ватыканам, які дасягнуты дзякуючы і вашым намаганням".

Прэзідэнт таксама прывітаў назначэнне новага Мітрапаліта Мінска-Магілёўскай архідыяцэзіі Рымска-каталіцкай царквы.

"З цеплынёй успамінаю сустрэчу з вамі і спадзяюся, што ў бліжэйшым будучым мы зможам зноў абмеркаваць розныя пытанні нашага супрацоўніцтва", - падкрэсліў Аляксандр Лукашэнка.

Прэзідэнт выказаў упэўненасць, што сумесная дзейнасць будзе садзейнічаць дасягненню агульных мэт: развіццю міжканфесійнага дыялогу, абароне традыцыйнай сям'і і сапраўдных хрысціянскіх каштоўнасцей.

Кіраўнік дзяржавы пажадаў Папу Рымскаму Францыску моцнага здароўя і даўгалецця.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі