18 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў і ветэранаў Беларускага фізкультурна-спартыўнага таварыства "Дынама" са знамянальным юбілеем - 100-годдзем з дня ўтварэння. Аб гэтым БЕЛТА паведамілі ў прэс-службе беларускага лідара.
"З першых дзён свайго стварэння таварыства "Дынама" сімвалізуе маладосць, здароўе, сілу і мэтанакіраванасць у дасягненні спартыўных вышынь. Прадаўжаючы пераможныя традыцыі, на гэтай аснове ў Беларусі выгадавана цэлая плеяда выдатных дынамаўскіх атлетаў, якія сваімі дасягненнямі і рэкордамі ўнеслі значны ўклад ва ўмацаванне іміджу нашай краіны на міжнароднай арэне, - гаворыцца ў віншаванні. - Нараўне з гэтым, дынамаўцамі забяспечваецца выкананне ўскладзеных на іх дзяржаўна значных задач па спартыўна-баявой падрыхтоўцы супрацоўнікаў органаў правапарадку і бяспекі, развіцці дзіцячага спорту і папулярызацыі здаровага ладу жыцця".
Асаблівыя віншаванні кіраўнік дзяржавы адрасаваў ветэранам, якія верай і праўдай служылі роднаму спартыўнаму таварыству і вялікаму спорту Беларусі, заклаўшы той трывалы фундамент, на якім і сёння грунтуюцца поспехі БФСТ "Дынама".
"Выказваю ўпэўненасць, што легендарнае спартыўнае таварыства і ў далейшым будзе актыўна развіваць масавую фізічную культуру і спорт, усямерна садзейнічаць умацаванню здароўя нацыі", - падкрэсліў Прэзідэнт.
Аляксандр Лукашэнка пажадаў дружнай дынамаўскай сям'і моцнага здароўя, дабрабыту, удачы, новых рэкордаў і яркіх перамог.-0-
