1 снежня, Мінск /Кар. БЕЛТА/. Прэзідэнт Беларусі Аляксандр Лукашэнка паведаміў, што ў Беларусі ў вучэбным цэнтры ўжо ёсць С-400. Аб гэтым ён расказаў у інтэрв'ю генеральнаму дырэктару міжнароднага інфармацыйнага агенцтва "Расія сёння" Дзмітрыю Кісялёву, перадае БЕЛТА.
"Стварылі цэнтр, абучаем. Расія паставіла ў гэты цэнтр С-400. Мы павінны яго бачыць, вывучаць. Ужо ідзе вучоба, трэніроўкі і гэтак далей", - заявіў кіраўнік дзяржавы.
Адказваючы на ўдакладняльнае пытанне, ён заявіў, што гэта не нейкая вучэбная мадэль, а менавіта баяздольная тэхніка.
"Гэта значыць С-400 цяпер у Беларусі ёсць?" - перапытаў Дзмітрый Кісялёў.
"Так, мы ў гэтым вучэбным цэнтры абучаем нашых хлопцаў. Вось я хачу папрасіць Прэзідэнта (Расіі. - Заўвага БЕЛТА), каб гэты комплекс і застаўся тут", - заявіў Аляксандр Лукашэнка.
У інтэрв'ю ён таксама заявіў, што Беларусі для эфектыўнай абароны ад ракетнага нападзення патрэбны комплексы С-400 і С-500. "Вы ж разумееце, што С-400 і С-500 - гэта дарагія сістэмы. І, давайце шчыра, лішніх сістэм у Расіі сёння няма. Ёсць што ў іх прыкрываць, - адзначыў беларускі лідар. - Мы сёння ППА-шнай сваёй абаронай поўнасцю прыкрываем нашы граніцы, Мінск і гэтак далей. Але для таго, каб быць эфектыўнымі супраць ракетнага нападзення, нам патрэбна якраз С-400, а можа, і С-500".-0-
