ДЗЯРЖОРГАНЫДЗЯРЖОРГАНЫ
Аўторак, 24 лістапада 2020
Мінск Суцэльная воблачнасць +5°C
Усе навіны
Усе навіны
Прэзідэнт
29 кастрычніка 2020, 17:33

Лукашэнка - памочнікам у рэгіёнах: трэба абараніць працоўныя калектывы

Аляксандр Барсукоў і Юрый Караеў
Аляксандр Барсукоў і Юрый Караеў

29 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка патрабуе абараніць працоўныя калектывы. Аб гэтым ён заявіў сёння, назначаючы новых памочнікаў па Гродзенскай, Брэсцкай абласцях і горадзе Мінску, перадае карэспандэнт БЕЛТА.

"Нам трэба абараніць працоўныя калектывы. Гэта датычыцца і Гродна, і Брэста. Вось, кажуць, на "Гродна Азоце" аж пад сотню чалавек выйшла. Пачалі разбірацца, а там жа прышлых колькі, - сказаў кіраўнік дзяржавы. - Таму трэба абараніць тых рабочых, якія хочуць працаваць. І не толькі рабочых - настаўнікаў, урачоў і гэтак далей".

"Усіх, хто не хоча, дэманстраваць хочуць... Я ўчора або пазаўчора ўжо сказаў - на вуліцу, мы з імі лепш будзем на вуліцы разбірацца", - адзначыў Аляксандр Лукашэнка.

"Сёння ў нас вельмі цяжкая сітуацыя. Як ва ўсім свеце, людзей трэба лячыць. Мала кавіду, у нас жа акрамя яго іншыя рэспіраторныя захворванні, сезон пачаўся, - заўважыў кіраўнік дзяржавы. - Калі кажуць мне, што ўрач недзе разгарнуў гэты калабарацыянісцкі сцяг, мне дрэнна становіцца. Не гаворачы пра настаўнікаў ужо (я, праўда, апошнім часам не чую)".

Аляксандр Лукашэнка звярнуў увагу і на акцыі ў тэатрах: "Людзі прыйшлі оперу паслухаць, спектакль паглядзець. Яны (пратэстуючыя. - Заўвага БЕЛТА) загадзя скупляюць білеты, дзве-тры хвіліны, здымак зрабілі і разбегліся".

У сувязі з гэтым кіраўнік дзяржавы даручыў звярнуць увагу на работу тых, хто адказвае за бяспеку ў адпаведных установах культуры. "Чым яны там займаліся, чаму яны гэтага не бачылі? Ну а калі ўбачылі, якія меры прынялі? Ніякіх", - канстатаваў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі