Сцяг Субота, 15 чэрвеня 2024
Усе навіны
Усе навіны
Прэзідэнт
23 мая 2024, 13:19

Лукашэнка назваў УНС палітычнай ядзернай зброяй Беларусі

23 мая, Мінск /Кар. БЕЛТА/. Прэзідэнт Беларусі, старшыня Усебеларускага народнага сходу Аляксандр Лукашэнка 23 мая прыняў з дакладамі намесніка старшыні УНС Аляксандра Косінца і начальніка Сакратарыята УНС Валерыя Міцкевіча.

"Я прасіў вас, каб вы сур'ёзна з зацікаўленымі і адказнымі асобамі падумалі аб тым, як нам выбудаваць сістэму работы з дэлегатамі Усебеларускага народнага сходу. Нам трэба было вызначыцца і па структуры: як мы будзем дзейнічаць у Сакратарыяце і ўвогуле якая будзе структура ў краіне. Структура і сістэма, - абазначыў галоўныя пытанні Аляксандр Лукашэнка. - Нам трэба спланаваць работу, таму для нас будуць важны і планы работы - і Прэзідыума УНС, і ў цэлым дэлегатаў".

Кіраўнік дзяржавы пацікавіўся, што ўжо зроблена ў гэтым напрамку і якія пытанні яшчэ трэба вырашыць. "Што трэба ў дадзеным выпадку ад мяне для таго, каб запусціць гэту машыну? Але галоўнае - гэта сувязь (ваша сувязь, мая сувязь, Прэзідыума) з дэлегатамі Усебеларускага народнага сходу, каб яны не адчувалі сябе адхіленымі ад тых пытанняў, якія ім трэба вырашаць. Нам вельмі важна паказаць грамадству і дэлегатам, што яны не павінны падмяняць іншыя органы ўлады", - падкрэсліў старшыня УНС.
Разам з тым Аляксандр Лукашэнка канстатаваў, што ў кіруючыя органы УНС паступаюць ужо і будуць паступаць звароты ад грамадзян. Адмахвацца ад іх, вядома ж, нельга, падкрэсліў Прэзідэнт.

"Гэтымі зваротамі павінны займацца перш за ўсё дэлегаты Усебеларускага народнага сходу. Але зварот звароту не роўны. Звычайныя звароты грамадзян у выканаўчыя структуры, Адміністрацыю Прэзідэнта - гэта адно. УНС - гэта зусім іншы орган, які агароджы і дахі не рамантуе, але тым не менш адштурхнуцца ад звароту людзей і сказаць, што гэта не наша справа, таксама нельга. Таму работу трэба выбудаваць так, каб, калі чалавек звярнуўся ва Усебеларускі народны сход, мы маглі гэты зварот давесці да адпаведных органаў для вырашэння. Але галоўнае - паказаць людзям, што гэта - не работа УНС. УНС - гэта нейкая палітычная ядзерная зброя, якая выкарыстоўваецца ў выключных выпадках, калі трэба будзе правесці пазачарговы сход. Гэта рашэнні толькі стратэгічнага характару - не агароджы і не дахі, нават не балконы. Але ў той жа час мы не можам ад людзей адмахвацца. Таму з дэлегатамі трэба ўстанавіць такую сувязь, каб, размаўляючы з імі, мы маглі давесці для вырашэння той і ці іншы зварот нашых людзей", - звярнуў увагу беларускі лідар.
Аляксандр Лукашэнка таксама закрануў работу Прэзідыума УНС - як будзе выбудоўваць узаемадзеянне з дэлегатамі гэты орган. "Думаю, што з кожным дэлегатам вы на сувязі не будзеце пастаянна, а вось з групамі... Як гэтыя групы будуць выглядаць? Трэба падумаць і выбудаваць гэту работу. А потым правядзём пасяджэнне Прэзідыума і ўсё гэта зацвердзім", - сказаў ён.-0-
Падпісвайцеся на нас у
Twitter
Топ-навіны
Свежыя навіны Беларусі