Сцяг Серада, 22 мая 2024
Усе навіны
Усе навіны
Прэзідэнт
21 сакавіка 2024, 12:34

Лукашэнка: народ павінен умець адстойваць права на самастойнае вызначэнне лёсу сваёй краіны

21 сакавіка, Мінск /Кар. БЕЛТА/. Народ павінен умець адстойваць права на самастойнае вызначэнне лёсу сваёй краіны. Аб гэтым Прэзідэнт Беларусі Аляксандр Лукашэнка заявіў на сустрэчы з дэпутатамі Палаты прадстаўнікоў і членамі Савета Рэспублікі Нацыянальнага сходу сёмага склікання, перадае карэспандэнт БЕЛТА.

"У кантэксце ўмацавання нацыянальнай бяспекі трэба разглядаць і праведзеную парламентарыямі вялікую работу па адстойванні гістарычнай праўды. Ваша дзейнасць прыпала на той перыяд сучаснай гісторыі, калі асабліва востра выявіўся запыт на фарміраванне самаідэнтычнасці, захаванне традыцыйных каштоўнасцей і праўды аб гістарычным мінулым нашай Беларусі. Перш за ўсё аб падзеях Вялікай Айчыннай вайны. Як ніколі мы выразна ўсвядомілі, што мала перамогу здабыць. Перамогу, а разам з ёй і права на самастойнае вызначэнне свайго лёсу трэба ўмець адстаяць. У тым ліку і на заканадаўчым узроўні", - заявіў кіраўнік дзяржавы.

Таму прыняты новыя знакавыя законы, у тым ліку аб недапушчэнні рэабілітацыі нацызму, які комплексна процідзейнічае гэтай злачыннай з'яве.

"Абсалютна новае слова ў айчынным заканадаўстве - закон аб генацыдзе беларускага народа", - адзначыў Аляксандр Лукашэнка. Паводле яго слоў, гэты дакумент стаў адказам на спробы прымусіць нас забыць сваю гісторыю, парушыць сувязь пакаленняў і ўзарваць грамадства знутры. "Узмоцнена адказнасць за імкненне сцерці гістарычную памяць, навязаць беларусам чужыя каштоўнасці, здрадзіць тым, хто загінуў у імя мірнага і спакойнага жыцця цяперашніх пакаленняў", - падкрэсліў Прэзідэнт.-0-
Падпісвайцеся на нас у
Twitter
Топ-навіны
Свежыя навіны Беларусі