Сцяг Серада, 28 лютага 2024
Усе навіны
Усе навіны
Прэзідэнт
17 лютага 2023, 11:40

Сустрэча Лукашэнкі і Пуціна праходзіць у падмаскоўным Нова-Агарове

17 лютага, Мінск /Кар. БЕЛТА/. Сустрэча прэзідэнтаў Беларусі і Расіі Аляксандра Лукашэнкі і Уладзіміра Пуціна праходзіць у падмаскоўным Нова-Агарове, перадае карэспандэнт БЕЛТА.

Кіраўнікі дзяржаў дамовіліся аб новай сустрэчы яшчэ ў ходзе тэлефоннай размовы вечарам 5 лютага. Тады яны абмеркавалі тры блокі пытанняў беларуска-расійскага супрацоўніцтва.

Першы датычыўся агульнага парадку дня ўзаемадзеяння ў эканоміцы, палітыцы, пытанняў бяспекі. У прыватнасці, гаварылі аб далейшых дзеяннях у рамках Саюзнай дзяржавы па забеспячэнні бяспекі Беларусі і Расіі. Асноўнае, аб чым дамовіліся кіраўнікі дзяржаў, - вызначыць дату сустрэчы ў бліжэйшы час. Галоўнай яе мэтай стане кантроль за выкананнем двума ўрадамі даручэнняў, дадзеных прэзідэнтамі раней. Перш за ўсё ў сферы імпартазамяшчэння і па ўсіх напрамках антысанкцыйнага ўзаемадзеяння. Гэтаму быў прысвечаны другі блок пытанняў у размове Аляксандра Лукашэнкі і Уладзіміра Пуціна. Трэці - падрыхтоўка да пасяджэння Вышэйшага дзяржсавета. У сувязі з тым, што на люты запланавана пасяджэнне Савета Міністраў Саюзнай дзяржавы, Вышэйшы дзяржсавет папярэдне плануецца правесці ў красавіку-маі. На пасяджэнні, як чакаецца, існуючыя дамоўленасці будуць фармалізаваны, падпісаны адпаведныя дакументы. Але да гэтага ўвесь спектр актуальных на сённяшні дзень пытанняў кіраўнікі дзяржаў абмяркуюць і ўдакладняць у ходзе сустрэчы.

Напярэдадні, 16 лютага, у інтэрв'ю замежным і беларускім журналістам Аляксандр Лукашэнка расказаў некаторыя падрабязнасці маючай адбыцца сустрэчы з расійскім калегам. "Мы пытанні бяспекі, абароны будзем абмяркоўваць. Але галоўнае (я ўжо гаварыў, што мы недзе ў красавіку - маі рыхтуем пасяджэнне Вышэйшага дзяржаўнага савета) - абмяркуем пытанні і эканамічнага, і ваеннага, і палітычнага характару, якія будуць абмяркоўвацца на Вышэйшым дзяржаўным савеце. Адно з важнейшых пытанняў: мы ўсё ж такі хочам паглядзець, як урады Беларусі і Расіі выконваюць пастаўленыя намі задачы. Перш за ўсё эканамічныя: па энерганосьбітах, адзіным рынку, імпартазамяшчэнні - як фінансуюцца, як рэалізуюцца. Гэта комплекс пытанняў. Таму мы ўсе пытанні будзем абмяркоўваць. І калі мы выйдзем на пытанне нашай сумеснай групоўкі ў Беларусі, вядома, будзем і гэта абмяркоўваць", - адзначыў Прэзідэнт Беларусі.-0-

Падпісвайцеся на нас у
Twitter
Топ-навіны
Свежыя навіны Беларусі