Сцяг Серада, 17 красавіка 2024
Усе навіны
Усе навіны
Прэзідэнт
07 студзеня 2023, 11:57

Лукашэнка на Раство прыехаў у Свята-Лісавецінскі манастыр

7 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка на Раство наведаў манастырскі комплекс Свята-Лісавецінскага жаночага манастыра, перадае карэспандэнт БЕЛТА.

На тэрыторыі манастырскага комплексу кіраўніка дзяржавы сустрэлі мэр Мінска Уладзімір Кухараў, упаўнаважаны па справах рэлігій і нацыянальнасцей Аляксандр Румак, Мітрапаліт Мінскі і Заслаўскі Веніямін, Патрыяршы Экзарх усяе Беларусі і ігумення манастыра Еўфрасіння.

"Са святам! Пасля хлюпотнага надвор'я такое марознае забівае ўсё дрэннае", - з усмешкай адзначыў Прэзідэнт.

Па дарозе да храма ў імя свяціцеля Іаана Шанхайскага і Сан-Францыскага Аляксандра Лукашэнку праінфармавалі аб будаўніцтве новых аб'ектаў на тэрыторыі манастыра, добраўпарадкаванні тэрыторыі комплексу.

У храме Прэзідэнт запаліў калядную свечку і цёпла павіншаваў вернікаў са светлым святам Нараджэння Хрыстовага. "Гэта сапраўды светлае свята. І праваслаўе - толькі нагода для ўсіх грамадзян Беларусі праваслаўнага, каталіцкага (веравызнання. - Заўвага БЕЛТА), мусульман - для ўсяго свету адзначыць гэта светлае свята. Але для нас, праваслаўных людзей, гэты дзень і свята асаблівыя. Таму ад усяго сэрца хачу павіншаваць вас з гэтым святам і пажадаць галоўнага - здароўя, - сказаў кіраўнік дзяржавы. - Я жадаю вам Божага благаславення і моцнага-моцнага здароўя".

Пасля святочнага богаслужэння Аляксандр Лукашэнка паразмаўляў са свяшчэннаслужыцелямі, яшчэ раз абмеркаваўшы з імі развіццё манастырскага комплексу. "Гэта горад у горадзе. Праваслаўны горад. Мы вясной павінны грунтоўна пахадзіць тут", - захапіўся Прэзідэнт, анансаваўшы свой будучы візіт.

Кіраўніку дзяржавы падарылі чайны сервіз, зроблены ўмельцамі манастырскіх майстэрань. "А ўсе гавораць, што мы не можам, у нас фарбы нейкай не хапае. Я нядаўна даручыў зрабіць сервіз - з дзясятага заходу зрабілі толькі! Вунь, калі ласка, вучыцеся. Малайцы! Вось дзе трэба заказваць", - падзякаваў Прэзідэнт.

На вуліцы Аляксандр Лукашэнка таксама сустрэўся з вернікамі, якія сабраліся каля храма ў чаканні кіраўніка дзяржавы. "Настрою вам добрага! Дабра, міру і галоўнае - здароўя! Каб вось такі мароз у нас быў тыдзень. Каб усю заразу павыбіваў з нас. Поспехаў вам!" - пажадаў Прэзідэнт.

Манастыр у гонар святой прападобнапакутніцы вялікай княгіні Лісаветы заснаваны ў 1999 годзе. Цяпер тут больш за 100 насельніц. На тэрыторыі манастыра размешчана пяць храмаў. Пад апекай манастыра знаходзяцца дом-інтэрнат для дзяцей-інвалідаў з асаблівасцямі псіхафізічнага развіцця, псіханеўралагічныя дамы-інтэрнаты для састарэлых і інвалідаў нумар 1 і нумар 3, псіханеўралагічны дом-інтэрнат нумар 4, Рэспубліканскі навукова-практычны цэнтр псіхічнага здароўя і шэраг іншых лячэбных і сацыяльна-педагагічных устаноў.

Манастырскі комплекс таксама ўключае два манаскія корпусы, будынак сацыяльна-рэабілітацыйных майстэрань, рамесныя майстэрні царкоўнай творчасці, будынак нядзельнай школы і жылы корпус паломнікаў.

У 2022 годзе ў манастыры пачаў працаваць духоўна-асветны цэнтр "Каўчэг". Ён прызначаны ў першую чаргу для выхавання і асветы маладога пакалення, фарміравання ў моладзі светапогляду, заснаванага на духоўна-маральных, патрыятычных, традыцыйных сямейных каштоўнасцях. Дзейнасць цэнтра таксама накіравана на ўмацаванне грамадскай духоўнасці, аднаўленне і развіццё гістарычнай і культурнай спадчыны, адраджэнне праваслаўных традыцый.

Дзяржава падтрымала дзейнасць манастыра па будаўніцтве гэтага аб'екта. Распараджэннем Прэзідэнта былі вызвалены ад мытных збораў і ПДВ тавары, увозімыя манастыром з-за мяжы для завяршэння ўзвядзення і аснашчэння духоўна-асветнага цэнтра.-0-

Падпісвайцеся на нас у
Twitter
Топ-навіны
Свежыя навіны Беларусі