21 ліпеня, Мінск /Кар. БЕЛТА/. Расія ў выпадку неабходнасці будзе абараняць Беларусь аналагічна, як сваю тэрыторыю. Аб гэтым Прэзідэнт Беларусі Аляксандр Лукашэнка заявіў у інтэрв'ю інфармацыйнаму агенцтву Франс Прэс (AFP, Agence France-Presse), перадае карэспандэнт БЕЛТА.
Кіраўніку дзяржавы было зададзена пытанне адносна заяўленых планаў паставіць у Беларусь ракетныя комплексы "Іскандэр" і абсталяваць самалёты, здольныя несці ядзерную зброю.
"У нас гэтыя самалёты ёсць. Трэба проста прыстасаваць гэтыя самалёты для таго, каб яны маглі несці ядзерную зброю. У адказ на тое, што робяць амерыканцы. Яны трэніруюць немцаў і іншыя краіны. Падрыхтавалі самалёты і трэніруюць", - заўважыў Прэзідэнт.
Адказваючы на пытанне, ці хоча ён, каб на тэрыторыі Беларусі была расійская ядзерная зброя, Аляксандр Лукашэнка сказаў: "Нам дастаткова, што ядзерная зброя ёсць у Расіі. Калі трэба, Расія па дагаворы будзе абараняць Беларусь, як сваю тэрыторыю. У нас такі дагавор. Таму калі трэба прымяніць ядзерную зброю... Не дай бог, вядома, каб гэта было. Таму што гэта канец. Яна будзе прыменена як Францыяй, так і Расіяй (ядзернымі дзяржавамі, якія маюць у сваім арсенале адпаведныя ўзбраенні. - Заўвага БЕЛТА)".-0-
