ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Прэзідэнт
25 чэрвеня 2022, 09:19

Лукашэнка і Пуцін абмяняліся віншаваннямі з выпадку 30-годдзя дыпадносін паміж Беларуссю і Расіяй

Фота з архіва
Фота з архіва

25 чэрвеня, Мінск /Кар. БЕЛТА/. Прэзідэнты Беларусі і Расіі Аляксандр Лукашэнка і Уладзімір Пуцін абмяняліся віншаваннямі з выпадку 30-годдзя з дня ўстанаўлення дыпламатычных адносін паміж дзвюма краінамі. Аб гэтым БЕЛТА паведамілі ў прэс-службе кіраўніка дзяржавы.

У пасланні кіраўніка беларускай дзяржавы ў адрас расійскага лідара сказана:

"Паважаны Уладзімір Уладзіміравіч!

Прыміце шчырыя віншаванні з нагоды знамянальнай даты - 30-годдзя з дня ўстанаўлення дыпламатычных адносін паміж Рэспублікай Беларусь і Расійскай Федэрацыяй.

Нашы краіны прайшлі за гэты час вялікі сумесны шлях, заклаўшы трывалы фундамент усебаковага стратэгічнага партнёрства і паглыбленай інтэграцыі.

Для двух народаў арыентаванасць на цеснае плённае супрацоўніцтва з'яўляецца натуральным працэсам, прадвызначаным іх геаграфічнай блізкасцю, непарыўнымі культурнымі і духоўнымі вузамі, якія ствараліся стагоддзямі, агульным гераічным мінулым.

Упэўнены, умацаванне канструктыўнага ўзаемадзеяння паміж Мінскам і Масквой як у рамках Саюзнай дзяржавы, так і ў складзе міждзяржаўных аб'яднанняў стварае неабходныя ўмовы для паспяховага пераадолення глабальных выклікаў і пагроз.

Жадаю Вам, паважаны Уладзімір Уладзіміравіч, добрага здароўя, невычэрпнай бадзёрасці духу і ўдачы, а жыхарам Расіі - мірнага неба, дабрабыту і ўпэўненасці ў заўтрашнім дні.

З павагай,

Аляксандр Лукашэнка".

У віншавальным пасланні кіраўніка расійскай дзяржавы ў адрас Прэзідэнта Беларусі гаворыцца:

"Паважаны Аляксандр Рыгоравіч,

Прыміце самыя цёплыя віншаванні з выпадку 30-годдзя ўстанаўлення дыпламатычных адносін паміж Расійскай Федэрацыяй і Рэспублікай Беларусь.

Абапіраючыся да добрыя традыцыі братэрскай дружбы, якія здаўна звязваюць нашы народы, нам удалося за мінулыя дзесяцігоддзі многае зрабіць для развіцця міждзяржаўных сувязей у духу саюзніцтва і добрасуседства. Назапашаны значны вопыт эфектыўнай двухбаковай кааперацыі на самых розных напрамках.

Сёння мы прадаўжаем планамерна нарошчваць інтэграцыйнае ўзаемадзеянне ў рамках Саюзнай дзяржавы, разам з партнёрамі па АДКБ працуем над павышэннем нашай абараназдольнасці. Добрую аддачу дае каардынацыя намаганняў Масквы і Мінска ў Еўразійскім эканамічным саюзе і Садружнасці Незалежных Дзяржаў.

Упэўнены, што далейшае ўмацаванне ўсяго комплексу расійска-беларускіх адносін у поўнай меры адпавядае інтарэсам грамадзян нашых краін, ідзе ў рэчышчы забеспячэння бяспекі і стабільнасці на еўразійскай прасторы.

Шчыра жадаю Вам, паважаны Аляксандр Рыгоравіч, моцнага здароўя і поспехаў, а беларускаму народу - шчасця і дабрабыту.

З павагай,

Уладзімір Пуцін".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі