ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Пераменная воблачнасць +8°C
Усе навіны
Усе навіны
Прэзідэнт
30 ліпеня 2021, 12:05

Лукашэнка: галоўная мэта заходніх санкцый - пакінуць беларусаў без пенсій і зарплат

30 ліпеня, Мінск /Кар. БЕЛТА/. Галоўная мэта заходніх санкцый - пакінуць беларусаў без пенсій, зарплат, дапамог, якаснага медыцынскага абслугоўвання. Аб гэтым Прэзідэнт Беларусі Аляксандр Лукашэнка заявіў сёння на сустрэчы з актывам мясцовай вертыкалі па актуальных пытаннях грамадска-палітычнай абстаноўкі, перадае карэспандэнт БЕЛТА.

"З такім размахам абмежавальных мер мы яшчэ не сутыкаліся, хоць мы гэта не драматызуем. Так, Захад разумее стратнасць санкцыйнай тактыкі для самога сябе. Таму ўводзіць санкцыі паэтапна - пакетна. Яны нібы намацваюць нашы болевыя кропкі. Б'юць перш за ўсё па экспартных галінах беларускай эканомікі: нафтахімія, машынабудаванне, калійная галіна і іншае. Але галоўная мэта - пакінуць народ без пенсій, зарплат, дапамог, адукацыі, медыцынскага абслугоўвання (асабліва цяпер) і выклікаць незадаволенасць беларусаў", - звярнуў увагу Аляксандр Лукашэнка.

Інакш кажучы, адзначыў Прэзідэнт, дэмаралізаваць працоўныя калектывы, выклікаць новую хвалю стачак і пратэстаў. "Тым самым яны цэляцца ў аснову беларускай мадэлі развіцця - сацыяльную дзяржаву. Але менавіта такі, падкрэслю, традыцыйны для нас уклад жыцця і забяспечвае асаблівую абарону нашых грамадзян ад санкцый. Тым больш калі размова ідзе аб слабаабароненых слаях насельніцтва", - сказаў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі