Сцяг Чацвер, 13 чэрвеня 2024
Усе навіны
Усе навіны
Прэзідэнт
04 сакавіка 2024, 09:05

Лукашэнка: беларускі міліцыянер заўсёды з гонарам выконвае абавязкі і ў любую хвіліну гатовы прыйсці на дапамогу

Фота з архіва
Фота з архіва
4 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў супрацоўнікаў і ветэранаў органаў унутраных спраў са 107-й гадавінай з дня ўтварэння беларускай міліцыі. Аб гэтым БЕЛТА паведамілі ў прэс-службе кіраўніка дзяржавы.

"Больш за стагоддзе органы ўнутраных спраў і ў святы, і ў будні самаадданай працай і мэтанакіраваным служэннем закону забяспечваюць правапарадак у краіне, робячы ўсё магчымае, каб наш народ жыў у спакоі, міры і згодзе, - гаворыцца ў віншаванні. - Ваша небяспечная і цяжкая прафесія патрабуе ад кожнага штодзённых рашучасці, мужнасці і адвагі, бескампраміснай жорсткасці да злачынца і велізарнай дабрыні да тых, хто мае патрэбу ў абароне.

Кіраўнік дзяржавы падкрэсліў, што грамадзяне цалкам давяраюць супрацоўнікам органаў унутраных спраў і ведаюць, што беларускі міліцыянер заўсёды з гонарам выконвае свае абавязкі і ў любую хвіліну гатовы прыйсці на дапамогу.

Асаблівую ўдзячнасць Прэзідэнт выказаў жанчынам у міліцэйскіх пагонах, якія нараўне з мужчынамі нясуць увесь цяжар нялёгкай службы, а таксама падзякаваў маці супрацоўнікаў і іх жонкам, якія забяспечваюць надзейны тыл і ўсяляк падтрымліваюць сваіх любімых мужчын у іх няпростым прафесійным выбары.

"Сёння мы ўшаноўваем і ветэранаў органаў унутраных спраў, якія ўнеслі вялікі ўклад у барацьбу са злачыннасцю, забяспечыўшы мір і спакой нашай роднай Беларусі. Дзякуй, што і цяпер вы прымаеце самы актыўны ўдзел у патрыятычным выхаванні моладзі, дзеліцеся з ёй асабістым вопытам, - падкрэсліў Аляксандр Лукашэнка. - Мы ніколі не забудзем гераічныя подзвігі нашых вартавых правапарадку і пайменна шануем загінулых пры выкананні службовага абавязку".

Прэзідэнт пажадаў супрацоўнікам і ветэранам органаў унутраных спраў і іх блізкім моцнага здароўя, шчасця, дабрабыту і мірнага неба над галавой!

Віншаванне Прэзідэнта Беларусі з Днём міліцыі

Прэзідэнт Беларусі Аляксандр Лукашэнка павіншаваў супрацоўнікаў і ветэранаў органаў унутраных спраў са 107-й гадавінай з дня ўтварэння беларускай міліцыі:

"Больш за стагоддзе органы ўнутраных спраў і ў святы, і ў будні самаадданай працай і мэтанакіраваным служэннем закону забяспечваюць правапарадак у краіне, робячы ўсё магчымае, каб наш народ жыў у спакоі, міры і згодзе.

Ваша небяспечная і цяжкая прафесія патрабуе ад кожнага штодзённых рашучасці, мужнасці і адвагі, бескампраміснай жорсткасці да злачынца і велізарнай дабрыні да тых, хто мае патрэбу ў абароне.

Нашы грамадзяне цалкам давяраюць вам і ведаюць, што беларускі міліцыянер заўсёды з гонарам выконвае свае абавязкі і ў любую хвіліну гатовы прыйсці на дапамогу.

Асаблівую ўдзячнасць выказваю жанчынам у міліцэйскіх пагонах, якія нараўне з мужчынамі нясуць увесь цяжар нялёгкай службы. Дзякую маці супрацоўнікаў і іх жонкам, якія забяспечваюць надзейны тыл і ўсяляк падтрымліваюць сваіх любімых мужчын у іх няпростым прафесійным выбары.

Сёння мы ўшаноўваем і ветэранаў органаў унутраных спраў, якія ўнеслі вялікі ўклад у барацьбу са злачыннасцю, забяспечыўшы мір і спакой нашай роднай Беларусі. Дзякуй, што і цяпер вы прымаеце самы актыўны ўдзел у патрыятычным выхаванні моладзі, дзеліцеся з ёй асабістым вопытам.

Мы ніколі не забудзем гераічныя подзвігі нашых вартавых правапарадку і пайменна шануем загінулых пры выкананні службовага абавязку.

У гэты святочны дзень жадаю вам і вашым блізкім моцнага здароўя, шчасця, дабрабыту і мірнага неба над галавой!"

Аляксандр Лукашэнка
4 сакавіка 2024 года.-0-
Падпісвайцеся на нас у
Twitter
Топ-навіны
Свежыя навіны Беларусі