17 мая, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Нарвегіі з нацыянальным святам - Днём Канстытуцыі. Аб гэтым БЕЛТА паведамілі ў прэс-службе беларускага лідара.
"За час сваёй незалежнасці ваша дзяржава дасягнула значных вынікаў у забеспячэнні высокага ўзроўню жыцця і сацыяльных гарантый насельніцтву, укараненні інавацыйных і экалагічных падыходаў у эканоміцы", - гаворыцца ў віншаванні.
Аляксандр Лукашэнка адзначыў, што ў апошнія дзесяцігоддзі Нарвегія паслядоўна пашырала супрацоўніцтва з Беларуссю, з'яўлялася добрым сябрам і надзейным партнёрам суверэннай рэспублікі ў Скандынавіі, а кампаніі дзвюх дзяржаў, якія працуюць у сферы харчовай прамысловасці, унеслі дастойны ўклад у сусветную харчовую бяспеку.
"На жаль, сёння афіцыйны Осла, далучыўшыся да палітычна матываваных нелегітымных санкцый супраць нашай краіны, парушае правы звычайных беларусаў. Беларусь заўсёды ўважліва ставілася да сельскай гаспадаркі. Цяпер звязаныя з беларускімі ўгнаеннямі праблемы набываюць новы маштаб. Абмежаванні адносна іх ствараюць пагрозу голаду для мільёнаў людзей на ўсёй планеце", - звярнуў увагу Прэзідэнт.
Кіраўнік дзяржавы падкрэсліў, што, нягледзячы на складаны палітычны клімат у рэгіёне, Беларусь імкнецца захаваць добразычлівыя адносіны, культурныя і дзелавыя кантакты паміж беларусамі і нарвежцамі, заўсёды адкрыта для раўнапраўнага ўзаемапаважлівага дыялогу.-0-
