ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Прэзідэнт
09 жніўня 2022, 09:02

Лукашэнка адзначыў паспяховае пашырэнне двухбаковых сувязей і паступальнае павелічэнне тавараабароту з Сінгапурам

Фота Unsplash
Фота Unsplash

9 жніўня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка павіншаваў Прэзідэнта Рэспублікі Сінгапур Халіму Якаб з Днём Незалежнасці гэтай краіны. Аб гэтым карэспандэнту БЕЛТА паведамілі ў прэс-службе беларускага лідара.

"За пяцьдзясят сем гадоў суверэнітэту ваша прыгожая краіна стала вядучым гандлёвым цэнтрам у Паўднёва-Усходняй Азіі, сапраўднай жамчужынай АСЕАН. Вопыт сацыяльна-эканамічнага пераўтварэння Сінгапура з'яўляецца выдатным прыкладам эфектыўнага развіцця самастойнай і незалежнай дзяржавы", - адзначыў Прэзідэнт.

Кіраўнік дзяржавы таксама падкрэсліў: "У год святкавання трыццацігоддзя ўстанаўлення дыпламатычных адносін паміж Мінскам і Сінгапурам мне асабліва прыемна адзначыць паспяховае пашырэнне двухбаковых сувязей, паступальнае павелічэнне тавараабароту, рост інтарэсу да Беларусі як адной з краін-заснавальніц Еўразійскага эканамічнага саюза.

Прэзідэнт выказаў надзею на прадаўжэнне плённай сумеснай працы дзеля дабрабыту двух народаў незалежна ад геапалітычнай кан'юнктуры.

"Пацвярджаю зацікаўленасць у павышэнні інтэнсіўнага палітычнага дыялогу, нарошчванні ўзаемавыгаднага супрацоўніцтва ў такіх галінах, як навука і тэхналогіі, сельская гаспадарка, машынабудаванне, фармацэўтыка", - адзначыў Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі