Сцяг Серада, 17 красавіка 2024
Усе навіны
Усе навіны
Прэзідэнт
20 сакавіка 2023, 10:20

Лукашэнка адзначыў гатоўнасць Беларусі пастаўляць прадукцыю ў Туніс і рэалізаваць сумесныя праекты

20 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Туніса Каіса Саіда і яго суайчыннікаў з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"Нельга не заўважыць актыўныя крокі вашай краіны на шляху далейшага ўдасканалення і кансалідацыі палітычнай сістэмы, а таксама павышэння ўзроўню дабрабыту насельніцтва, падтрымкі стабільнасці і бяспекі, - гаворыцца ў віншаванні. - Упэўнены, што Туніс пераадолее ўсе выклікі цяперашняга часу і прадоўжыць упэўнена рухацца наперад для забеспячэння паступальнага сацыяльна-эканамічнага развіцця і паспяховай пабудовы Новай Рэспублікі".

Кіраўнік дзяржавы падкрэсліў, што Беларусь гатова пастаўляць неабходныя прадукты харчавання і нафтаперапрацоўкі, прадукцыю металургіі, сельскагаспадарчую і грузавую тэхніку, рэалізоўваць сумесныя праекты ў розных галінах эканомікі. Прэзідэнт таксама адзначыў магчымасці для пашырэння двухбаковага супрацоўніцтва ў сферах адукацыі, аховы здароўя, турызму.

Аляксандр Лукашэнка пажадаў Каісу Саіду поспехаў, а народу Туніса - міру і працвітання.-0-

Падпісвайцеся на нас у
Twitter
Топ-навіны
Свежыя навіны Беларусі