3 красавіка, Мінск /Кар. БЕЛТА/. Кааперацыя паміж Беларуссю і Расіяй цяпер вельмі запатрабавана, як ніколі. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Калужскай вобласці Расіі Уладзіславам Шапшой, перадае карэспандэнт БЕЛТА.
"Прадпрыемствы Беларусі і Расіі натуральным чынам убудоўваюцца ў сумесныя вытворчыя ланцужкі", - адзначыў кіраўнік дзяржавы.
Паводле слоў Прэзідэнта, гэта асабліва запатрабавана сёння, калі размова ідзе аб прамысловай кааперацыі, укараненні новых навукаёмістых тэхналогій і асабліва імпартазамяшчэнні.
"Мы добра знаёмы з вашым патэнцыялам. Нас аб'ядноўвае станоўчы вопыт стварэння індустрыяльных паркаў і свабодных эканамічных зон. Яго асабліва важна - наш патэнцыял - выкарыстоўваць пасля таго, як з Расіі пайшлі многія заходнія кампаніі. Трэба паглядзець, як мы маглі б убудавацца ў гэтыя структуры і вырабляць запатрабаваную прадукцыю. Гэта значыць кааперацыя цяпер вельмі запатрабавана, як ніколі", - падкрэсліў Аляксандр Лукашэнка.-0-
