ДЗЯРЖОРГАНЫДЗЯРЖОРГАНЫ
Флаг Серада, 6 ліпеня 2022
Мінск +17°C
Усе навіны
Усе навіны
Прэзідэнт
06 мая 2022, 11:44

Лукашэнка аб санкцыях: гэта не цукар, прыемнага мала, але мы выстаім

6 мая, Мінск /Кар. БЕЛТА/. Аляксандр Лукашэнка лічыць, што санкцыі не могуць прыносіць карысці. Такі пункт гледжання выказаў Прэзідэнт Беларусі ў інтэрв'ю інфармацыйнаму агенцтву Associated Press, перадае карэспандэнт БЕЛТА.

Журналіст пацікавіўся, як Беларусь ва ўмовах санкцый спраўляецца з эканамічнымі праблемамі і ці разлічвае на падтрымку Расіі.

"Па вялікім рахунку, за выключэннем дзвюх-трох груп тавараў, нам не патрэбна ніякая падтрымка з боку Расіі, хоць яна нас падтрымлівае ва ўсім, у чым бы мы яе ні папрасілі. І па крэдытаванні, і ў таварах, і грашыма", - адзначыў кіраўнік дзяржавы.

Прэзідэнт растлумачыў, чаму не патрэбна падтрымка: "Таму што ўсё, што ў Беларусі вырабляем сёння, працэнтаў на 85 у гэтым мае патрэбу Расія. Мы спакойна гандлюем за расійскія рублі, прадаём свой тавар туды, атрымліваем расійскія рублі і за расійскія рублі (мы дамовіліся) купляем газ і нафту. Не было б шчасця, ды няшчасце дапамагло. Мы раней куплялі энерганосьбіты ў Расіі за долары. Сёння яны згодны за расійскі рубель. Таму ўявіце - 85 працэнтаў усяго, што мы экспартуем, запатрабавана ў Расіі, часткова нешта ў Кітаі, асабліва прадукты харчавання. У Кітаі шмат трэба прадуктаў харчавання".

"Што датычыцца некаторых таварных груп, вы іх добра ведаеце, мы таксама знаходзім развязкі, - прадоўжыў Аляксандр Лукашэнка. - Знаходзім лагістыку, пастаўляем і гэтак далей. Я ўпэўнены, што ў Еўропе, Амерыцы, ну, дапусцім, нас блакіруюць па пастаўках беларускіх мінеральных угнаенняў. Ну, паслухайце, у Амерыцы яны вельмі сёння запатрабаваны. Цэны папаўзлі не толькі на нафту, газ і мінеральныя ўгнаенні, але і на прадукты харчавання. У Еўропе тым больш. Чаму мы, як дурні, упёрліся лбамі і санкцыямі адзін аднаго пачынаем дубасіць?".

Прэзідэнт таксама прывёў прыклад: "Еўрасаюз забараніў нашым аўтамабілям ехаць у ЕС. Ну, мы забаранілі ім перамяшчацца па тэрыторыі Беларусі. Пачынаем перагружаць гэтыя тавары. Мы што ад гэтага страцілі? Ды нічога. Наша лагістыка, лагістычныя цэнтры, склады атрымліваюць добрыя даходы. За кошт каго? За кошт заходніх пастаўшчыкоў. Навошта гэта трэба? Ці ж Літва, Латвія закрылі парты для нашых грузаў. Бог з імі, мы ў Расію пераарыентуемся і цяпер грузім. У тым ліку і калій пачалі грузіць. З нафтапрадуктамі разабраліся".

Аляксандр Лукашэнка звярнуў увагу на тое, што санкцыі негатыўна ўплываюць на простых людзей еўрапейскіх краін: "Ну навошта гэта трэба, я не разумею, навошта трэба, каб літоўцы, латышы прыязджалі з бочачкамі, бочкамі і каністрамі і запраўляліся ў нас дызелем і бензінам (у нас танней)? Гэта ненармальна. Каму гэта выгадна? Палітыкам".

Прэзідэнт таксама расказаў, што за два тыдні ўведзенага Беларуссю бязвізавага рэжыму для краін-суседзяў у краіну толькі з Літвы і Латвіі прыехала больш за 19 тыс. чалавек, якія ў тым ліку купляюць беларускія тавары, паліва.

"Каму зрабілі горш? Нават у Амерыцы цяпер не так проста... Мы выжывем. Усё, што мы вырабляем, сёння на міжнародных рынках запатрабавана, а значыць так ці інакш будзе рэалізавана, у большасці сваёй у Расіі", - прадоўжыў кіраўнік дзяржавы.

"Таму я абсалютна перакананы, не спадзяюся, а перакананы, што мы выстаім. Вядома, санкцыі - гэта не цукар, гэта не цукеркі, гэта не гарбата, прыемнага мала. Але, відаць, такая ваша палітыка", - дадаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі