ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +19°C
Усе навіны
Усе навіны
Прэзідэнт
29 снежня 2021, 17:47

Лукашэнка аб нефармальным саміце СНД: вельмі вялікі крэн адбыўся ў бок нашага яднання

У час саміту. Фота прэс-службы Прэзідэнта РФ - БЕЛТА
У час саміту. Фота прэс-службы Прэзідэнта РФ - БЕЛТА

29 снежня, Санкт-Пецярбург /Кар. БЕЛТА/. Прэзідэнт Беларусі Аляксандр Лукашэнка станоўча ацаніў вынікі нефармальнага саміту, які прайшоў у Санкт-Пецярбургу. Аб гэтым ён заявіў на афіцыйнай частцы сустрэчы з расійскім лідарам у Санкт-Пецярбургу, перадае карэспандэнт БЕЛТА.

"Гэта было добрае вельмі мерапрыемства - добрае, цёплае. Мы яшчэ раз убачылі, што кіраўнікі постсавецкіх рэспублік, і Беларусь у тым ліку, цудоўна разумеюць сітуацыю, якая вакол нас, і разабраліся ва ўсіх хітраспляценнях сусветнай палітыкі. Дзякуючы Расіі. Вядома, Расіі дастаецца заўсёды і дасталося ад гэтага. Але вы паказалі тым самым сваю надзейнасць. І гэтыя вось паводзіны ўсіх нас - кіраўнікоў дзяржаў - сведчанне таго, што мы разумеем, што адбываецца. Людзі разумеюць у нашых дзяржавах. І вельмі вялікі крэн (я ўжо чалавек вопытны ў гэтым плане) адбыўся ў бок нашага яднання - разам вырашаць пытанні", - заявіў беларускі лідар.

Аляксандр Лукашэнка адзначыў, што хоць праведзеная напярэдадні сустрэча лідараў краін СНД мела нефармальны характар, тым не менш удалося выйсці на прынцыповыя пытанні, асабліва па тых напрамках, дзе не атрымлівалася. Кіраўнік дзяржавы акцэнтаваў увагу на гуманітарнай галіне - пытаннях, звязаных з навукай, рускай мовай і гэтак далей. "Прыемна здзівілі ўсе калегі нашы, якія падтрымалі вашы прапановы па многіх гуманітарных пытаннях. Я думаю, вы потым з часам аб гэтым самі скажаце людзям", - падкрэсліў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі