ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +11°C
Усе навіны
Усе навіны
Прэзідэнт
07 студзеня 2022, 14:02

Лукашэнка аб накіраванні міратворцаў у Казахстан: мы прыйшлі не забіваць і нават не ваяваць

7 студзеня, Мінск /Кар. БЕЛТА/. Беларускія міратворцы ў складзе кантынгенту АДКБ прыбылі ў Казахстан не для таго, каб ваяваць. Аб гэтым Прэзідэнт Беларусі Аляксандр Лукашэнка заявіў сёння, наведваючы ў свята Раства Хрыстовага храм у Мінску, перадае карэспандэнт БЕЛТА.

Аляксандр Лукашэнка адзначыў, што за факт накіравання Беларуссю ў Казахстан міратворцаў схапіліся збеглыя за мяжой і спрабуюць на гэтым разварушыць народ. "Што, вось, бачыце, мы ледзь ці не ваюем за Казахстан", - заўважыў кіраўнік дзяржавы.

"Мы не ваюем ні за каго. Там усяго толькі адна рота нашых ваеннаслужачых-міратворцаў. Гэта міратворчыя сілы. Мы праінфармавалі ААН, што мы будзем дапамагаць наладзіць мір. Мы ў Казахстан прыйшлі не забіваць і нават не ваяваць. Мы - людзі мірныя. І нашы ваеннаслужачыя таксама мірныя людзі. Мы прыйшлі туды для таго, каб дапамагчы ім", - падкрэсліў беларускі лідар.

Ён адзначыў, што ў Казахстане ўжо загінула шмат людзей і з аднаго, і з другога боку: "Там адразаюць галаву паліцэйскім, амапаўцам і ваеннаслужачым. Значыць, ужо рысы тэрарыстычных арганізацый, якія засвяціліся і ў Афганістане, і ў Сірыі, і ў Іраку".

"Цяпер трэба спыніць братазабойчую вайну. Гэтым мы і займаемся", - падкрэсліў беларускі лідар.

Аляксандр Лукашэнка звярнуўся і да тых, хто спрабуе "нагрэць рукі" на тэме накіравання міратворцаў: "Я хачу, каб вы мелі на ўвазе, што Казахстан - гэта наша эканоміка. Мы больш чым на $1 млрд гандлюем з Казахстанам, мы туды прадаём вялікую колькасць тавараў. І калі мы не будзем разам з гэтым народам і ўладамі, нам там пасля гэтага рабіць няма чаго. Нас проста туды не пусцяць, і правільна зробяць. Сапраўдныя сябры і саюзнікі - побач. Я нават не гавару пра юрыдычны бок справы, што мы павінны выконваць міжнародны дагавор. Мы, пяць дзяржаў (АДКБ. - Заўвага БЕЛТА), звязаны міжнароднымі пагадненнямі".

"Але галоўнае: як ты да сваіх сяброў, так і яны да цябе. Проста і зразумела", - рэзюмаваў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі