Сцяг Чацвер, 13 чэрвеня 2024
Усе навіны
Усе навіны
Прэзідэнт
22 красавіка 2024, 09:01

"Ледзь бачны нос з-за плуга". Лукашэнка на суботніку ўспомніў свае дзіцячыя гады і падпрацоўку ў полі

22 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка на сваёй малой радзіме ў дзень рэспубліканскага суботніка падзяліўся з журналістамі ўспамінамі аб дзіцячых гадах і падпрацоўцы ў полі. Новыя кадры паказалі ў эфіры тэлеканала "Беларусь 1", паведамляе БЕЛТА.

"Вось мой дом. І туды (паказвае ў бок лесу кіраўнік дзяржавы. - Заўвага БЕЛТА) і зімой і летам я хадзіў па дровы. Ці зімой дроў не хапала - вышэй за калена ў снег (на полі. - Заўвага БЕЛТА) і пайшоў у лес для таго, каб насячы там сухастою", - сказаў Прэзідэнт.

За родным домам кіраўніка дзяржавы размяшчаюцца сельгасугоддзі, дзе Аляксандр Лукашэнка працаваў у дзіцячыя гады. "Тут было адно, другое, трэцяе поле. На сярэднім полі з малодшым братам дваюрадным апрацоўвалі бульбу. Да гэтага часу памятаю. Ідзеш за гэтым плугам, ледзь бачны нос з-за плуга, апрацоўваеш. Для таго, каб тры рублі за дзень зарабіць і для школы нешта купіць. Адзенне нейкае. Таму гэта поле, можна сказаць, паліта маім потам", - падзяліўся ўспамінам Прэзідэнт.

Цяпер жа на малой радзіме кіраўніка дзяржавы поле называюць прэзідэнцкім. На ім па ініцыятыве Аляксандра Лукашэнкі праводзяць сельскагаспадарчыя эксперыменты, маштабуючы потым паспяховы вопыт у рамках рэгіёна і краіны ў цэлым. Плюс у тым, што Прэзідэнт да самых дробязей ведае і асаблівасці мясцовай глебы, ды і, бываючы ў родных краях, можа на працягу года асабіста назіраць за вынікам.

Аляксандр Лукашэнка ў гутарцы з журналістамі, у прыватнасці, закрануў тэму насення айчыннай і замежнай селекцыі. Дарэчы, гэту ж тэму на тыдні абмяркоўвалі і на нарадзе ў кіраўніка дзяржавы па развіцці вёскі і аграрнай галіны.

"Калі па зерні браць, наша кукуруза ад імпарту, мне даныя далі навуковыя, адрозніваецца (па ўраджайнасці. - Заўвага БЕЛТА) на тры-чатыры цэнтнеры са ста. Гэта нішто. А калі параўнаць, што ў 10 разоў даражэйшае насенне для пасеву, то імпартныя становяцца стратнымі", - адзначыў кіраўнік дзяржавы ў размове з журналістамі.-0-
Падпісвайцеся на нас у
Twitter
Топ-навіны
Свежыя навіны Беларусі