ДЗЯРЖОРГАНЫДЗЯРЖОРГАНЫ
Флаг Аўторак, 18 студзеня 2022
Мінск Пераменная воблачнасць -5°C
Усе навіны
Усе навіны
Прэзідэнт
09 лістапада 2021, 16:25

"Гэта нейкая трэніроўка або шантаж". Лукашэнка аб вайне з мігрантамі на граніцы Польшчы

Аляксандр Лукашэнка ў час інтэрв'ю
Аляксандр Лукашэнка ў час інтэрв'ю

9 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю галоўнаму рэдактару расійскага часопіса "Национальная оборона" ваеннаму эксперту Ігару Каротчанку пракаменціраваў сітуацыю з мігрантамі на граніцы Беларусі з Еўрасаюзам, перадае карэспандэнт БЕЛТА.

"У сучасным свеце брацца за зброю - гэта да смерці падобна, гэта самагубства, згадзіцеся. І тым больш тут, у цэнтры Еўропы. І тым больш з Беларуссю. Тут жа заўсёды на гэтым кавалку зямлі ў цэнтры ўсе войны разгортваліся, адсюль усё пачыналася. Што, гісторыя нічому не вучыць?" - заўважыў кіраўнік дзяржавы.

"Змагацца сёння супраць мігрантаў "Леапардамі" (танкамі. - Заўвага БЕЛТА)? Вы мне прабачце. Мы з вамі, людзі ваенныя, разумеем, што такое сёння весці вайну з гэтымі няшчаснымі людзьмі на граніцы Польшчы, дапусцім, з Беларуссю і выстаўляць калоны танкаў. Зразумела, што гэта нейкая трэніроўка або шантаж", - сказаў Аляксандр Лукашэнка.

Паводле яго слоў, Беларусь гэтаму спакойна процістаіць: "Мы не задзіраемся, як некаторыя ў Расіі пішуць і нашы збеглыя там з імі. Таму што мы ведаем, што калі, не дай бог, мы дапусцім якую-небудзь памылку, то гэта адразу ж уцягне ў гэты вір Расію. А гэта буйнейшая ядзерная дзяржава. Я не вар'ят. Я выдатна разумею, да чаго гэта можа прывесці. Таму ніякага тут няма гераізму - "схапіў аўтамат і пайшоў на польскую граніцу" (дарэчы, дзе я служыў у свой час пагранічнікам) - не, ні ў якім разе. Мы разумеем, мы ведаем сваё месца. Але мы на калені не станем".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі