ДЗЯРЖОРГАНЫДЗЯРЖОРГАНЫ
Флаг Аўторак, 18 студзеня 2022
Мінск Пераменная воблачнасць -5°C
Усе навіны
Усе навіны
Прэзідэнт
22 лістапада 2021, 09:02

Эйсмант: Лукашэнку пастаянна дакладваюць аб сітуацыі на граніцы, ён усё трымае пад кантролем

22 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка пастаянна трымае на асабістым кантролі сітуацыю з бежанцамі на граніцы. Аб гэтым прэс-сакратар Прэзідэнта Беларусі Наталля Эйсмант заявіла 20 лістапада ў эфіры YouTube-канала "Галоўны. Тур", перадае карэспандэнт БЕЛТА.

Вядучы пацікавіўся, як крызіс з бежанцамі і сітуацыя вакол яго паўплывала на прэзідэнцкі графік, ці можна сказаць, што гэтаму ўдзяляецца ўвага штодзённа і штогадзінна ў фармаце 24/7.

"Што датычыцца сітуацыі на граніцы, гэта пастаянныя даклады Прэзідэнту, ён усё трымае пад кантролем. Старшыня Дзяржпагранкамітэта, сілавікі, міністр абароны, губернатар, які пастаянна на сувязі з Прэзідэнтам, - сказала прэс-сакратар. - Вы правільна гаворыце - 24/7. Але гэта, як звычайна 24/7".

Наталля Эйсмант акцэнтавала ўвагу, што Аляксандр Лукашэнка на пастаяннай аснове займаецца і шэрагам іншых важных напрамкаў. У цэлым прэзідэнцкі графік выбудоўваецца з улікам узнікаючых выклікаў, тактыкі і стратэгічных пытанняў. "Для нашых гледачоў Прэзідэнт на экране кожны дзень. Яны бачаць яго парадак дня. Гэта не для таго, каб Прэзідэнта помнілі, не забылі. Не для піяру. Гэта рэальна справаздача Прэзідэнта і яго падначаленых перад народам", - падкрэсліла прэс-сакратар.

"Не толькі граніца на парадку дня Зусім нядаўна Прэзідэнт абазначыў на сённяшні дзень чатыры асноўныя напрамкі, па якіх вядзецца работа, якім удзяляецца ўвага. Гэта ў першую чаргу сітуацыя на граніцы. Гэта пандэмія. Гэта санкцыі, не трэба тлумачыць, наколькі гэта немалаважнае пытанне. І ўборачная кампанія", - расказала Наталля Эйсмант.

Напрыклад, па пытанні пандэміі і эпідсітуацыі кіраўніку дзяржавы, як і раней, дакладваюць штодзённа. "Мы ўжо маем на сённяшні дзень крыху больш за 50 працэнтаў ад піка. Давайце аб гэтым гаварыць і не забываць аб гэтым на фоне праблем на граніцы", - сказала прэс-сакратар.

Што датычыцца ўборачнай кампаніі, то яна ў цэлым завершана, краіна забяспечыла сябе прадуктамі харчавання і зможа экспартаваць прадукцыю прыкладна на $6 млрд.

Па тэме санкцый работа таксама вядзецца кожны дзень. "І Прэзідэнтам, і ўрадам. Вельмі шмат гэтаму ўвагі. Дапамагаюць нашым прадпрыемствам", - звярнула ўвагу Наталля Эйсмант.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі