ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Ясна +12°C
Усе навіны
Усе навіны
Прэзідэнт
26 ліпеня 2022, 13:51

Беларусь не плануе экспартаваць збожжа і будзе выкарыстоўваць яго для жывёлагадоўлі

Фота з архіва
Фота з архіва

26 ліпеня, Мінск /Кар. БЕЛТА/. Беларусь не плануе экспартаваць збожжа і будзе выкарыстоўваць яго для жывёлагадоўлі. Аб гэтым кіраўнік дзяржавы Аляксандр Лукашэнка заявіў на селектарнай нарадзе па пытаннях уборачнай кампаніі, да якой па відэа-канферэнц-сувязі былі падключаны ўсе раёны краіны, перадае карэспандэнт БЕЛТА.

Прэзідэнт даручыў на месцах дакладна вызначыць тактыку ўборкі, каб забяспечыць максімальны ўраджай і не дапусціць страт. "Убірайце пры вільготнасці 20 працэнтаў. Можа, нават 22 працэнты. Лепш падсушыце. Таму што гэта ўсё роўна будзе рэнтабельна. Вы нават не ўяўляеце, наколькі будзе попыт на прадукцыю сельскай гаспадаркі, у тым ліку і на збожжа. Але мы збожжа на экспарт прадаваць не збіраемся. Нам трэба яго прапусціць праз жывёлагадоўлю, атрымаць малако, мяса і іншае. І гэту прадукцыю прадаць на міжнародных рынках", - заявіў Аляксандр Лукашэнка.

"Паверце, што ў наступным годзе і яшчэ праз год цяперашняе збожжа гэтага года будзе даражэйшым за тыя грошы, якія ёсць сёння. Гэта значыць цана на збожжа і іншыя сельгаспрадукты значна ўзрасце. Таму калі ёсць магчымасць, трэба пакласці на зіму, каб зімой і вясной нашы людзі маглі атрымаць па нармальных цэнах неабходную сельгаспрадукцыю. Стабілізацыйныя фонды. Асабліва ў Мінску і абласных гарадах", - даручыў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі