Сцяг Серада, 17 красавіка 2024
Усе навіны
Усе навіны
Прэзідэнт
10 сакавіка 2023, 11:11

"Адгаворкі больш не пройдуць". Лукашэнка запатрабаваў удзяліць павышаную ўвагу будаўнічай галіне

10 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка на пасяджэнні Савета Міністраў аб выніках работы эканомікі за 2022 год і вырашэнні актуальных задач сацыяльна-эканамічнага развіцця ў 2023 годзе запатрабаваў удзяліць павышаную ўвагу будаўнічай галіне, перадае карэспандэнт БЕЛТА.

Паводле слоў Аляксандра Лукашэнкі, гэта датычыцца і вялікіх незавершаных аб'ектаў, у прыватнасці кінутых міжнароднымі банкамі, і, вядома ж, будаўніцтва жылля, у тым ліку арэнднага, з магчымасцю перадачы ва ўласнасць асобным катэгорыям грамадзян пры выкананні пэўных умоў.

"Міністр архітэктуры адказвае за кожны квадратны метр і аб'ёмы будаўніча-мантажных работ. Кантралюйце. Адгаворкі, як мы спрабавалі, але зноў не змаглі, больш не пройдуць. Усе абавязацельствы дзяржавы па стварэнні інфраструктуры ў рэгіёнах, дадзеныя на Усебеларускім народным сходзе, заяўленыя ў праграме пяцігодкі, таксама павінны быць выкананы няўхільна. Рэсурсы на гэта ўраду неабходна шукаць сумесна з Нацыянальным банкам. За само будаўніцтва інфраструктуры адказваюць аблвыканкамы і Міністэрства будархітэктуры", - падкрэсліў Прэзідэнт.-0-

Падпісвайцеся на нас у
Twitter
Топ-навіны
Свежыя навіны Беларусі