ДЗЯРЖОРГАНЫДЗЯРЖОРГАНЫ
Чацвер, 29 кастрычніка 2020
Мінск Воблачна з праясненнямі +10°C
Усе навіны
Усе навіны
Палітыка
28 верасня 2020, 09:00

Умацаванне міжрэгіянальных сувязей Беларусі і Расіі садзейнічае развіццю дзвюх краін - Вараб'ёў

Фота з архіва
Фота з архіва

28 верасня, Мінск /Кар. БЕЛТА/. Умацаванне міжрэгіянальных сувязей Беларусі і Расіі садзейнічае развіццю дзвюх краін. Такое меркаванне выказаў намеснік старшыні Савета Федэрацыі Расіі Юрый Вараб'ёў 27 верасня на тэлеканале "Беларусь 1", паведамляе БЕЛТА.

Паводле яго слоў, умацаванню сувязей паміж рэгіёнамі надаецца асаблівае значэнне. "Мы лічым, што развіццё нашых дзяржаў, Саюзнай дзяржавы шмат у чым залежыць ад супрацоўніцтва паміж рэгіёнамі. Менавіта таму надаецца вялікае значэнне гэтым пагадненням (якія плануецца падпісаць у час VII Форуму рэгіёнаў Беларусі і Расіі. - Заўвага БЕЛТА)", - сказаў Юрый Вараб'ёў.

Акрамя шэрага пагадненняў рознага ўзроўню, плануецца заключыць два важныя кантракты. Найбольш значны - на суму звыш $30 млн.

"Мы надаём Форуму рэгіёнаў вялікае значэнне. Лічым, што нават у гэтых умовах (звязаных з сітуацыяй па COVID-19. - Заўвага БЕЛТА) ён павінен прайсці", - адзначыў намеснік старшыні Савета Федэрацыі.

Як паведамлялася, мерапрыемствы VII Форуму рэгіёнаў Беларусі і Расіі 28 і 29 верасня пройдуць у рэжыме відэаканферэнцыі. Такое рашэнне прынята па выніках двухбаковых кансультацый у сувязі з рэгіструемым ростам колькасці выпадкаў заражэння новай каранавіруснай інфекцыяй і з улікам рэкамендацый Расспажыўнагляду Расіі. У час абмеркавання члены аргкамітэта прыйшлі да згоды, што менавіта такі фармат сёння будзе адэкватны эпідэміялагічнай сітуацыі і не будзе падвяргаць дадатковай рызыцы здароўе ўдзельнікаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі