ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск Малавоблачна +10°C
Усе навіны
Усе навіны
Палітыка
20 студзеня 2022, 14:52

МЗС РФ падзяляе заклапочанасць Беларусі сцягваннем да граніцы сіл НАТА

Марыя Захарава. Фота прэс-службы МЗС РФ
Марыя Захарава. Фота прэс-службы МЗС РФ

20 студзеня, Масква /Эдуард Півавар - БЕЛТА/. МЗС Расіі падзяляе заклапочанасць Беларусі сцягваннем да беларускай граніцы сіл НАТА. Аб гэтым заявіла сёння на брыфінгу афіцыйны прадстаўнік расійскага знешнепалітычнага ведамства Марыя Захарава, перадае карэспандэнт БЕЛТА.

"Ёсць інфармацыя аб тым, што Польшча сцягнула да беларускай граніцы некалькі дзясяткаў тысяч ваенных, - сказала Марыя Захарава. - Вось цікава, а калі амерыканскія журналісты і, адпаведна, амерыканскія палітычныя дзеячы, прадстаўнікі дзяржавы пачнуць гаварыць аб тым, што Польшча збіраецца напасці на Беларусь? Гэта ж у іх логіцы: калі перамяшчаюцца ваенныя да чыёйсьці граніцы, нягледзячы на тое, што яны знаходзяцца на сваёй тэрыторыі, гэта яўны сігнал, што яны павінны напасці. Калі гэта адбудзецца? Або гэта іншае? Або тое, што можна, напрыклад, Польшчы, нельга ўсім астатнім? Або краіна - член НАТА можа перамяшчаць свае ўзброеныя сілы да граніцы краіны не члена НАТА, не тлумачачы і робячы гэта выключна па ўласным разуменні або па ўказанні з Бруселя, а той краіне, да граніцы якой гэтыя войскі рухаюцца, гэта рабіць катэгарычна забаронена? Гэта значыць калі краіна НАТА ў сябе такую рэканфігурацыю ўзброеных сіл праводзіць - гэта нармальна, гэта правільна, таму што "НАТА за мір". А калі з таго боку, бачачы адпаведныя манеўры, таксама неяк задумваюцца ў адказ аб пытаннях уласнай бяспекі - гэта адразу прыкмета агрэсіі. Гэта ж як крывое люстэрка, у лепшым выпадку. На самай справе гэта пытанне ўжо аб поўнай адсутнасці логікі, нават не аб крывадушнасці і двайных стандартах".

"Вядома, мы падзяляем хваляванне беларускіх калег, саюзнікаў, аб нарошчванні ваеннай прысутнасці НАТА ўздоўж знешніх рубяжоў Беларусі, - падкрэсліла афіцыйны прадстаўнік МЗС РФ. - Гэта агульная граніца Саюзнай дзяржавы і, дарэчы, АДКБ, калі хто забыў. Польшча, Літва і Украіна проста дэманстратыўна сцягваюць да граніц узброеных сілавікоў, ваенную тэхніку, будуюць інфраструктуру. Нейкімі тлумачэннямі яны сябе не турбуюць. Відавочна, што дзеянні гэтыя правакацыйныя, але тлумачыць, апраўдвацца яны не лічаць патрэбным".

Марыя Захарава падкрэсліла, што размова ідзе аб правакацыях з боку суседзяў Беларусі, якія дэманструюцца адна за адной. "І Расія, і Беларусь у сувязі з гэтым вымушаны адэкватна рэагаваць, у тым ліку патруляваннем паветранай прасторы, рэгулярнымі сумеснымі трэніроўкамі, вучэннямі і г.д.", - канстатавала яна.

Прадстаўнік МЗС РФ нагадала, што ў гэтым жа радзе знаходзіцца і рашэнне аб правядзенні пазапланавай праверкі сіл рэагавання Саюзнай дзяржавы і вучэнняў "Саюзная рашучасць". "У адрозненне ад заходніх калег, мы свае планы не ўтойваем, дзейнічаем адкрыта, тлумачым, адказваем на пытанні і ў рамках добраахвотнай транспарэнтнасці расказваем аб правядзенні мерапрыемстваў па ўмацаванні абароны Саюзнай дзяржавы, - падкрэсліла яна. - Гавару гэта, таму што нашы амерыканскія калегі паспелі ўжо выпусціць чарговы трылер пра наступленне Расіі на Украіну з тэрыторыі Беларусі. Вядома, няма сумненняў, што заходняя прапаганда ў бліжэйшыя тыдні будзе адпрацоўваць гэту ўстаноўку Вашынгтона. І, вядома, не выключана, што робіцца гэта для таго, каб стварыць інфармацыйны фон для падрыхтоўкі ўласных маштабных правакацыйных планаў, рэалізацыя якіх можа выклікаць самыя сур'ёзныя наступствы".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі