ДЗЯРЖОРГАНЫДЗЯРЖОРГАНЫ
Флаг Нядзеля, 1 жніўня 2021
Мінск Пераменная воблачнасць +21°C
Усе навіны
Усе навіны
Палітыка
18 чэрвеня 2021, 14:59

Макей: Беларусь і Расія будуць і далей процістаяць фальсіфікацыі гісторыі

Уладзімір Макей. Фота ТАСС
Уладзімір Макей. Фота ТАСС

18 чэрвеня, Масква /Эдуард Півавар - БЕЛТА/. Беларусь і Расія будуць і далей процістаяць бессаромнай фальсіфікацыі гісторыі. Аб гэтым заявіў міністр замежных спраў Беларусі Уладзімір Макей журналістам па выніках праведзеных сёння ў Маскве перагавораў са сваім расійскім калегам Сяргеем Лаўровым, перадае карэспандэнт БЕЛТА.

Уладзімір Макей адзначыў, што бягучы год азнаменаваны 80-годдзем пачатку Вялікай Айчыннай вайны. "І ў Беларусі, і ў Расіі вельмі добра памятаюць урокі той страшнай вайны, робяць усё для таго, каб перадаць гэту памяць нашчадкам, - падкрэсліў ён. - 22 чэрвеня - гэта не толькі дзень памяці і смутку, але і перасцярогі супраць вяртання нацызму. Бачачы падзеі, якія адбываюцца ў некаторых суседніх краінах, адраджэнне ў іх ідэй неанацызму, заснаваных на бязлітаснай і бессаромнай фальсіфікацыі гісторыі, будзем і далей процістаяць гэтым небяспечным праявам на ўсіх міжнародных пляцоўках".

Уладзімір Макей адзначыў канструктыўны характар праведзеных перагавораў з кіраўніком МЗС Расіі. "Мы высока цэнім дружбу паміж беларускім і расійскім народамі, адносіны саюзніцтва і стратэгічнага партнёрства паміж Беларуссю і Расіяй", - заявіў ён. Уладзімір Макей таксама выказаў упэўненасць, што знешнепалітычныя ведамствы дзвюх краін прадоўжаць эфектыўнае ўзаемадзеянне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі