ДЗЯРЖОРГАНЫДЗЯРЖОРГАНЫ
Серада, 25 лістапада 2020
Мінск Суцэльная воблачнасць +4°C
Усе навіны
Усе навіны
Палітыка
29 кастрычніка 2020, 18:00

Лукашэнка зрабіў значны крок насустрач апанентам, заявіўшы аб магчымасці змяненняў у Канстытуцыю - Пуцін

Фота з архіва
Фота з архіва

29 кастрычніка, Масква /Эдуард Півавар - БЕЛТА/. Прэзідэнт Беларусі Аляксандр Лукашэнка зрабіў значны крок насустрач апанентам, заявіўшы аб магчымасці змяненняў у Канстытуцыю. Такое меркаванне выказаў Прэзідэнт Расіі Уладзімір Пуцін сёння на форуме "Расія кліча", паведамляе БЕЛТА.

"На што я звярнуў бы ўвагу, гэта на тое, што дзеючы Прэзідэнт Аляксандр Рыгоравіч Лукашэнка аб'явіў, ужо сказаў аб гэтым публічна і неаднаразова, больш таго, зрабіў канкрэтныя захады для рэалізацыі таго, што ім было сказана, а менавіта - аб магчымасці ўнясення змяненняў у дзеючы Асноўны закон, у Канстытуцыю, або аб прыняцці новай Канстытуцыі. І, як ён сам сказаў, арганізацыі на гэтай базе выбараў і ў парламент, і прэзідэнцкіх выбараў", - сказаў Уладзімір Пуцін.

"Я думаю, што, зыходзячы з рэалій сённяшняга дня і ацэнкі ўнутрыпалітычнай сітуацыі, гэта з яго боку (Прэзідэнта Беларусі. - Заўвага БЕЛТА) значны крок насустрач яго палітычным апанентам", - падкрэсліў Прэзідэнт Расіі.

Ён таксама лічыць, што было б правільна, калі б усе палітычныя сілы ўключыліся ў працэс абмеркавання канстытуцыйнай рэформы, а не агульна абвінавачвалі дзеючую ўладу. "Далучыліся б да гэтай работы і ўплывалі б на тыя рашэнні, якія могуць быць прыняты ў час такога працэсу", - параіў Уладзімір Пуцін.

Ён таксама заявіў, што пытанне аб прэзідэнцкіх выбарах павінны вызначаць беларускі народ і кіраўніцтва Беларусі. "Мы ў гэтыя пытанні не лезем", - падкрэсліў Прэзідэнт Расіі.

Уладзімір Пуцін выказаўся і аб Дагаворы аб стварэнні Саюзнай дзяржавы. "У Дагаворы аб стварэнні Саюзнай дзяржавы ўсё прадугледжана, мы не лічым, што патрэбна туды нешта ўносіць дадаткова. Пытанне заключаецца ў тым, ці рэалізоўваць нейкія элементы гэтага плана, які ўжо ёсць, існуе на працягу двух дзесяцігоддзяў, ці пакуль ад нечага ўстрымацца. Ва ўсякім выпадку, мы нічога не фарсіруем", - сказаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі