8 чэрвеня, Мінск /Кар. БЕЛТА/. У Генеральным консульстве Беларусі ў в'етнамскім горадзе Хашымін 8 чэрвеня адбылася сустрэча генеральнага консула нашай краіны Руслана Варанкова з прэзідэнтам Клуба в'етнамскіх прадпрыемстваў Фанам Ліенам. Аб гэтым карэспандэнту БЕЛТА расказалі ў беларускай загранустанове.
У час сустрэчы бакі абмеркавалі аптымальныя фарматы прыцягнення Клуба в'етнамскіх прадпрыемстваў да падтрымання інтарэсаў беларускіх суб'ектаў гаспадарання ў В'етнаме. Адбыўся таксама абмен думкамі аб бягучым стане рынку В'етнама. Акрамя таго, былі намечаны сумесныя планы ўзаемадзеяння на бліжэйшую перспектыву.
У Генеральным консульстве Беларусі звярнулі ўвагу, што асноўнай мэтай створанага ў 2020 годзе клуба з'яўляецца садзейнічанне ўстанаўленню кантактаў паміж дзелавымі коламі як унутры В'етнама, так і з партнёрамі за мяжой. Цяпер у склад клуба ўваходзіць больш за 12 тыс. членаў і сектаральных асацыяцый. Яго галаўны офіс знаходзіцца ў горадзе Хашымін.-0-
