ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск -4°C
Усе навіны
Усе навіны
Інфаграфіка
20 верасня 2021, 15:19

Вакцынацыя супраць грыпу

Вакцынацыя супраць грыпу

У 2021 годзе плануецца прышчапіць каля 40% насельніцтва (75% у групах рызыкі), у тым ліку за кошт мясцовых бюджэтаў і асабістых сродкаў грамадзян - 19%, уласных сродкаў прадпрыемстваў і арганізацый - 8%, рэспубліканскага бюджэту - 13%.

Асаблівасць вакцынацыі сезона 2021/2022 - паралельнае правядзенне дзвюх кампаній: першапачаткова плануецца рабіць прышчэпкі супраць каранавіруса (дзве дозы) і пасля гэтага праз 14 дзён - прышчэпку супраць грыпу.

Вакцынацыя ў адзін дзень дапушчальна, калі няма проціпаказанняў.

Для бясплатнай прышчэпкі ад грыпу будзе выкарыстоўвацца расійская вакцына "Грыпол Плюс", для платнай - "Ваксігрып Тэтра" (Францыя).

Ва ўзроставай структуры захваральнасці будуць пераважаць дзеці.

Каму паказана прышчэпка:

дзеці ва ўзросце ад 6 месяцаў да 3 гадоў;

дзеці і дарослыя з хранічнымі захворваннямі;

асобы з імунасупрэсіяй;

людзі старэйшыя за 65 гадоў;

цяжарныя;

медыцынскія работнікі;

дзеці і дарослыя, якія знаходзяцца ва ўстановах з кругласутачным рэжымам знаходжання;

работнікі абслугоўвання, устаноў адукацыі, гандлю і транспартных арганізацый.

Каб сфарміраваўся імунітэт, неабходна ад 7 да 21 дня. Працягласць імунітэту захоўваецца да 6-12 месяцаў.

Аптымальная абарона ад грыпу захоўваецца на працягу першых трох-шасці месяцаў пасля вакцынацыі. Таму яе тэрміны павінны дазваляць забяспечваць максімальны ўзровень абароны ў пік сезона рэспіраторных інфекцый, які звычайна адзначаецца ў лютым-сакавіку. Вакцынацыя з верасня па студзень забяспечвае абарону на працягу пікавага сезона.

Масавая вакцынацыя прадоўжыцца да студзеня 2022 года.

Крыніца: Рэспубліканскі цэнтр гігіены, эпідэміялогіі і грамадскага здароўя.

Топ-навіны
З НАМІ НАЙБОЛЬШ ЦІКАВА
Свежыя навіны Беларусі