19 студзеня, Мінск /Кар. БЕЛТА/. Зацверджана пагадненне паміж урадам Рэспублікі Беларусь і ўрадам Расійскай Федэрацыі аб адзіных правілах канкурэнцыі, падпісанае ў Маскве 9 лістапада 2022 года. Адпаведная пастанова Савета Міністраў Беларусі нумар 42 ад 18 студзеня 2023 года апублікавана на Нацыянальным прававым інтэрнэт-партале, паведамляе БЕЛТА.
Згодна з пастановай, Міністэрству замежных спраў неабходна накіраваць паведамленне аб выкананні Беларуссю ўнутрыдзяржаўных працэдур, неабходных для ўступлення ў сілу гэтага пагаднення.
Як паведамлялася раней са спасылкай на прэс-службу МАРГ, пагадненне дасць магчымасць стварыць адзіныя правілы гульні для суб'ектаў на рынках Саюзнай дзяржавы. А антыманапольныя органы будуць сумесна рэагаваць на антыканкурэнтныя практыкі і выпрацоўваць адзіныя падыходы па іх устараненні. Дакумент распрацаваны з мэтай рэалізацыі саюзнай праграмы аб адзіных правілах канкурэнцыі Саюзнай дзяржавы і накіраваны на збліжэнне антыманапольнага заканадаўства.-0-
