Сцяг Аўторак, 28 мая 2024
Усе навіны
Усе навіны
Эканоміка
29 лютага 2024, 11:53

Урад урэгулюе пытанне рэгістрацыі права ўласнасці на жыллё ад замежных забудоўшчыкаў
 

Фота з архіва
Фота з архіва
29 лютага, Мінск /Кар. БЕЛТА/. Урад урэгулюе сітуацыю, якая ўзнікла з рэгістрацыяй права ўласнасці на жылыя памяшканні, узведзеныя замежнымі забудоўшчыкамі. Аб гэтым заявіў намеснік міністра эканомікі Уладзімір Навумовіч карэспандэнту БЕЛТА.

Намеснік кіраўніка эканамічнага ведамства нагадаў, што ўказ нумар 326 быў прыняты з мэтай абароны эканамічных інтарэсаў краіны. Згодна з дакументам, ні адна юрыдычная асоба з удзелам замежнага капіталу з недружалюбных дзяржаў не мае права без спецыяльнага дазволу ўрада і выплаты ў бюджэт 25-працэнтнага ўзносу адчужаць сваю маёмасць.

На бягучы момант такія дазволы на продаж маёмасці неабходна атрымліваць кампаніям з доляй замежнага капіталу большай за 25 працэнтаў. Гэты падыход плануецца захаваць і ў далейшым. Аднак, як паказала практыка, такое патрабаванне ў асобных выпадках можа ўшчамляць інтарэсы нашых грамадзян.

"У прыватнасці, па дзеючых правілах замежны забудоўшчык мае права перадаваць грамадзянам пабудаванае і аплачанае імі жыллё выключна пасля атрымання адпаведнага дазволу і выплату ўзносу. Толькі пасля гэтага можа ажыццяўляцца дзяржаўная рэгістрацыя пераходу права ўласнасці на нерухомую маёмасць, правоў на яе і здзелак з ёй. Урад трымае на кантролі гэта пытанне. Міністэрствам эканомікі падрыхтаваны праект нарматыўнага прававога акта, прыняцце якога дасць магчымасць вырашыць існуючую сітуацыю. Дакумент знаходзіцца ў высокай ступені гатоўнасці", - адзначыў Уладзімір Навумовіч.-0-
Падпісвайцеся на нас у
Twitter
Топ-навіны
Свежыя навіны Беларусі