ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Эканоміка
02 жніўня 2022, 10:31

У Гомельскай вобласці ўборка рапсу выйшла на фінішную прамую

Фота з архіва
Фота з архіва

2 жніўня, Гомель /Кар. БЕЛТА/. Гаспадаркі Гомельскай вобласці завяршаюць уборку азімага рапсу. На палях засталося менш за 8 працэнтаў пасеваў, далажыў на апаратнай нарадзе старшыня камітэта па сельскай гаспадарцы і харчаванні Гомельскага аблвыканкама Дзмітрый Петражыцкі, паведамляе БЕЛТА са спасылкай на Telegram-канал "Гомельшчына афіцыйна".

Старшыня Гомельскага аблвыканкама Іван Крупко паставіў крайні тэрмін завяршэння гэтых работ: да 5 жніўня азімы рапс павінен быць убраны. Кіраўнік галіны ў бліжэйшы час адправіцца ў раёны, дзе патрэбна павысіць эфектыўнасць работы.

Восем раёнаў далі справаздачу аб выкананні абавязацельстваў па здачы алейнага семя рапсу ў лік дзяржзаказу. У цэлым жа гэта заданне па рэгіёне выканана на 65 працэнтаў.

Збожжавыя каласавыя на паўднёвым усходзе краіны ўбралі на трэці запланаванай плошчы. Сярэдняя ўраджайнасць у гаспадарках на 2 ц/га вышэйшая за мінулагоднюю.

Губернатар паставіў задачу арганізаваць зладжаную работу па адвозцы збожжа ад камбайнаў (у рэгіёне дастаткова людзей і тэхнікі): "Кожная хвіліна дарагая. Пераразмяркуйце сілы так, каб не было прастояў".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі