Сцяг Серада, 19 чэрвеня 2024
Усе навіны
Усе навіны
Эканоміка
12 красавіка 2024, 10:25

У Беларусі ўводзіцца часовае ліцэнзаванне на вываз збожжавых

Фота з архіва
Фота з архіва
12 красавіка, Мінск /Кар. БЕЛТА/. У Беларусі ўводзіцца часовае ліцэнзаванне на вываз пшаніцы і месліну, жыта, ячменю, аўса, кукурузы, грэчкі, проса, трыцікале, інш. Гэта прадугледжана пастановай Савета Міністраў ад 10 красавіка 2024 года нумар 263, афіцыйна апублікаванай на Нацыянальным прававым партале 12 красавіка, паведамляе БЕЛТА.

Таксама ў пералік тавараў, адносна якіх будзе дзейнічаць ліцэнзаванне на экспарт, увайшлі драблёнае зерне без апрацоўкі і апрацаванае (пшаніцы, жыта, іншых збожжавых), семя рапсу, сланечніка.

У пастанове пазначаецца, што вываз гэтых тавараў за межы рэспублікі ажыццяўляецца па разавых ліцэнзіях, якія выдае Міністэрства антыманапольнага рэгулявання і гандлю па ўзгадненні з аблвыканкамамі, Мінскім гарвыканкамам. Такія ліцэнзіі выдаюцца ў парадку, аналагічным устаноўленаму правіламі выдачы ліцэнзій і дазволаў на экспарт і (або) імпарт тавараў, прадугледжанымі дадаткам да пратакола аб мерах нетарыфнага рэгулявання адносна трэціх краін (дадатак нумар 7 да Дагавора аб Еўразійскім эканамічным саюзе ад 29 мая 2014 года).

Галоўная дзяржінспекцыя па насенняводстве, каранціне і ахове раслін, а таксама яе тэрытарыяльныя арганізацыі ў абласцях выдаюць фітасанітарныя сертыфікаты на вывозімыя за межы Беларусі тавары пры наяўнасці ліцэнзіі на іх вываз.

Дзеянне пастановы не распаўсюджваецца на тавары, вывозімыя ў дзяржавы - члены ЕАЭС і дзяржавы, якія не з'яўляюцца членамі ЕАЭС, для аказання міжнароднай гуманітарнай дапамогі на падставе рашэнняў урада Беларусі, а таксама ў якасці прыпасаў. Дакумент не заканае і тавары, якія перамяшчаюцца ў рамках міжнародных транзітных перавозак, што пачынаюцца і заканчваюцца за межамі мытнай тэрыторыі ЕАЭС, і пачынаюцца за межамі мытнай тэрыторыі ЕАЭС і заканчваюцца ў дзяржаве - члене ЕАЭС, а таксама змешчаных пад мытныя працэдуры ў краіне ЕАЭС і перамяшчаюцца транзітам праз Беларусь.

Пастанова дзейнічае на працягу шасці месяцаў з дня яе апублікавання.-0-

Падпісвайцеся на нас у
Twitter
Топ-навіны
Свежыя навіны Беларусі