Сцяг Панядзелак, 22 красавіка 2024
Усе навіны
Усе навіны
Эканоміка
04 студзеня 2024, 14:37

У Беларусі ўведзены адзіны маёмасны плацеж. Што зменіцца ў выплаце падаткаў 

4 студзеня, Мінск /Кар. БЕЛТА/. У Беларусі з 1 студзеня ўведзены адзіны маёмасны плацеж, паведамілі БЕЛТА ў Міністэрстве па падатках і зборах.

"Адзіны маёмасны плацеж не з'яўляецца новым падаткам. Гэта спосаб выплаты зямельнага, транспартнага падатку і падатку на нерухомую маёмасць, які ўведзены з мэтай спрашчэння парадку выплаты, а таксама стварэння камфортных умоў для плацельшчыкаў маёмасных падаткаў", - сказалі ў МПЗ.

Новы парадак выплаты фізічнымі асобамі маёмасных падаткаў уводзіцца з мэтай спрашчэння працэдуры і стварэння камфортных умоў для плацельшчыкаў. Так, да 1 студзеня выплата праводзілася асобна па кожным падатку і па кожным аб'екце нерухомай маёмасці зыходзячы з таго, дзе знаходзіцца такая нерухомая маёмасць. А з 1 студзеня выплата праводзіцца адзіным маёмасным плацяжом на адзін бюджэтны рахунак па адрасе рэгістрацыі (прапіскі) фізічнай асобы.

У МПЗ звярнулі ўвагу, што з пачатку года немагчыма заплаціць маёмасныя падаткі па рэквізітах, пазначаных ва ўручаных у мінулых гадах паведамленнях.

Для прагляду сумы запазычанасці па маёмасных падатках і яе пагашэння праз сістэму "Разлік" (АРІП) неабходна выканаць шэраг дзеянняў. Трэба выбраць "Плацяжы і пераводы" / "Сістэма "Разлік" (АРІП)", затым "Падаткі", далей вобласць або горад, раённую падатковую інспекцыю (упраўленне па рабоце з плацельшчыкамі) па месцы рэгістрацыі (прапіскі) фізічнай асобы, потым "Адзіны маёмасны плацеж". Пасля гэтага трэба ўвесці свой уліковы нумар плацельшчыка (УНП) з выкарыстаннем лацінскай (англійскай) раскладкі і вялікіх літар гэтага алфавіта, без прабелаў.

Пагасіць існуючую запазычанасць па маёмасных падатках можна таксама ў аддзяленнях банкаў, паштовых аддзяленнях і праз сэрвіс "Асабісты кабінет плацельшчыка".-0- 

Падпісвайцеся на нас у
Twitter
Топ-навіны
Свежыя навіны Беларусі