Сцяг Субота, 25 мая 2024
Усе навіны
Усе навіны
Эканоміка
19 лютага 2024, 17:32

У 2023 годзе чысты прыбытак рэзідэнтаў "Вялікага каменя" вырас у два разы 

Фота з архіва
Фота з архіва
19 лютага, Мінск /Кар. БЕЛТА/. У 2023 годзе чысты прыбытак рэзідэнтаў "Вялікага каменя" вырас у два разы, паведамілі БЕЛТА ў прэс-службе Мінэканомікі.

Беспрэцэдэнтны аб’ём ільгот і прэферэнцый, прапануемых індустрыяльным паркам "Вялікі камень", садзейнічае прыцягненню айчынных і замежных інвестараў. На сёння на яго тэрыторыі рэалізуюць праекты 127 кампаній з заснавальнікамі з 14 краін. У 2023 годзе склад рэзідэнтаў папоўніўся 26 новымі прадпрыемствамі, яшчэ 8 зарэгістравана ўжо ў гэтым годзе.

Па выніках работы ў 2023 годзе рэзідэнтамі забяспечаны рост ключавых фінансава-эканамічных паказчыкаў: чыстага прыбытку і ПЗІ на чыстай аснове - у 2 разы, сумы выплачаных падаткаў, збораў і плацяжоў - у 1,8 раза, вытворчасці - у 1,6 раза, выручкі - у 1,5 раза.

Ствараюцца дадатковыя магчымасці для прыцягнення інвестыцый у парк. Так, у мінулым годзе прыняты рашэнні па стымуляванні развіцця традыцыйнай і інавацыйнай кітайскай медыцыны, рэалізацыі праектаў у галіне фармацэўтыкі, вытворчасці медыцынскіх вырабаў і абсталявання. Дзякуючы гэтым навацыям у "Вялікі камень" прыйшлі ўжо новыя кампаніі, якія плануюць стварэнне вытворчасцей фармацэўтычнай прадукцыі, прэпаратаў in vitro дыягностыкі, перадавых біямедыцынскіх матэрыялаў.-0- 
Падпісвайцеся на нас у
Twitter
Топ-навіны
Свежыя навіны Беларусі