ДЗЯРЖОРГАНЫДЗЯРЖОРГАНЫ
Флаг Аўторак, 16 жніўня 2022
Мінск +26°C
Усе навіны
Усе навіны
Эканоміка
21 чэрвеня 2022, 12:17

Сітуацыя з прадуктамі харчавання і забеспячэнне сельгастэхнікай. Што абмяркоўвалі на пасяджэнні Савета ЕЭК

Фота eurasiancommission.org
Фота eurasiancommission.org

21 чэрвеня, Мінск /Кар. БЕЛТА/. Намеснік прэм'ер-міністра Беларусі Ігар Петрышэнка расказаў сёння журналістам, што абмяркоўвалася на пасяджэнні Савета Еўразійскай эканамічнай камісіі (ЕЭК), якое прайшло ў вочным фармаце ў Мінску, перадае карэспандэнт БЕЛТА.

"Сёння адбылося пазачарговае пасяджэнне Савета ЕЭК. У першую чаргу мы прысвяцілі дыскусію абмеркаванню пытання ўстойлівасці функцыянавання ўнутранага рынку Еўразійскага эканамічнага саюза з улікам сітуацыі па прадуктах харчавання ў свеце. Шэраг дзяржаў для ўстойлівасці ўнутраных рынкаў увялі пэўныя абмежавальныя меры па значных пазіцыях. Таму было прынята рашэнне адпрацаваць падыходы па часовым выкарыстанні індыкатыўных балансаў, якія забяспечваюць пастаўкі харчовых тавараў на ўнутраны рынак ЕАЭС", - сказаў Ігар Петрышэнка.

Паводле яго слоў, краіны будуць гібка падыходзіць да выканання экспартных паставак за межы саюза. "Гэты аспект быў дэталёва абмеркаваны. Бакам дадзены дадатковы час, каб на экспертным узроўні профільных міністэрстваў дапрацаваць гэта пытанне, - адзначыў віцэ-прэм'ер. - Сёння на пасяджэнні Еўразійскага міжурадавага савета ў пашыраным складзе мы выйдзем на нейкае рашэнне. Ёсць пэўны пералік тавараў - каля 10 таварных груп, у асноўным харчовыя, а таксама такія значныя пазіцыі, як металалом, макулатура. Мы прапануем кіраўнікам урадаў падпісаць адпаведнае рашэнне Савету ЕЭК, каб у далейшым гібка рэгуляваць гэтыя аспекты".

Таксама, як адзначыў Ігар Петрышэнка, у ходзе пасяджэння абмяркоўваліся пытанні па пэўных рэгуляторных мерах, якія звязаны са знешнім націскам, каб выключыць недахоп тых ці іншых таварных пазіцый на рынку, у прыватнасці па буракаўборачных камбайнах. "Мы не вырабляем у рамках саюза гэту тэхніку. Таму ёсць шэраг пазіцый па камплектуючых, якія нам трэба завозіць, каб кампетэнцыі нашых прадпрыемстваў пашыраліся", - сказаў ён.

Акрамя таго, удзельнікі абмеркавалі пытанні, звязаныя з цукрам. "Мы дамовіліся, што бліжэй да сезона збору ўраджаю на наступным пасяджэнні дадаткова вернемся да гэтага пытання, дэталёва разгледзім зварот нашых кыргызскіх і казахстанскіх калег па павелічэнні квоты бяспошліннага ўвозу звонку. Мы павінны забяспечыць устойлівасць функцыянавання ўнутранага рынку цукру ЕАЭС з улікам пасяўных плошчаў, перапрацоўкі цукровых буракоў", - звярнуў ён увагу.

"Таксама мы дамовіліся актыўна прадаўжаць работу па значных напрамках і пытаннях, якія забяспечвалі б устойлівасць рынку Еўразійскага эканамічнага саюза", - канстатаваў віцэ-прэм'ер.

Ігар Петрышэнка прапанаваў правесці наступнае пасяджэнне Савета ЕЭК у сярэдзіне ліпеня ў Віцебску і запрасіў прадстаўнікоў краін на адкрыццё "Славянскага базару".

Таксама ўдзельнікі Савета ЕЭК прымуць сёння ўдзел у пасяджэнні Еўразійскага міжурадавага савета ў пашыраным складзе. Пасля яго заканчэння адбудзецца цырымонія падпісання падагульняючых дакументаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі