Сцяг Нядзеля, 21 красавіка 2024
Усе навіны
Усе навіны
Эканоміка
23 снежня 2022, 12:40

Савет Федэрацыі РФ ратыфікаваў дагавор Расіі і Беларусі па ўскосных падатках

23 снежня, Мінск /Кар. БЕЛТА/. Савет Федэрацыі РФ ратыфікаваў дагавор паміж Расіяй і Беларуссю аб агульных прынцыпах спагнання ўскосных падаткаў, паведамляе ТАСС.

Адзначаецца, што дакумент быў падпісаны 3 кастрычніка 2022 года ў Маскве. Яго распрацавалі ў мэтах рэалізацыі праграмы па гарманізацыі падатковага і мытнага заканадаўства Беларусі і Расіі і супрацоўніцтве ў мытнай сферы. Асноўнымі мэтамі дагавора з'яўляюцца ўстараненне падатковых бар'ераў ва ўзаемным гандлі і іншых формах эканамічнага супрацоўніцтва суб'ектаў гаспадарання, забеспячэнне цэласнасці фіскальнай базы бакоў і фарміраванне адзінай інфармацыйнай прасторы для сістэмнага супрацоўніцтва і ўзаемнай дапамогі падатковых органаў бакоў у процідзеянні ўхіленню ад выплаты ўскосных падаткаў, у тым ліку пры трансгранічным гандлі.

Дагавор прадугледжвае гарманізацыю падатковага заканадаўства абедзвюх краін у сферы падатковага адміністравання: прывядзенне заканадаўства па ўскосных падатках (падатку на дабаўленую вартасць і акцызах) у адпаведнасць з палажэннямі дагавора. У прыватнасці, замацоўваюцца памеры мінімальных падатковых ставак, пералік вызваленняў і льгот па ўскосных падатках. Акрамя таго, замацоўваюцца парадак і ўмовы прадастаўлення міждзяржаўных бюджэтных трансфертаў Беларусі, стварэнне інтэграванай сістэмы адміністравання ўскосных падаткаў у мэтах перадачы інфармацыі для скразнога аналізу даных па падатку на дабаўленую вартасць.

Прадугледжваецца стварэнне калегіяльнага органа - Наднацыянальнага падатковага камітэта, асноўны функцыянал якога заключаецца ў каардынацыі бакоў па рэалізацыі дагавора.

Дагаворам прадугледжваецца прадастаўленне Расіяй Беларусі штомесячных бюджэтных трансфертаў, сума якіх ацэньваецца ў памеры каля $610 млн штогод, і ажыццяўленне падатковага адміністравання з дапамогай інтэграванай сістэмы адміністравання ўскосных падаткаў Расіі і Беларусі.-0-

Падпісвайцеся на нас у
Twitter
Топ-навіны
Свежыя навіны Беларусі