Сцяг Серада, 22 мая 2024
Усе навіны
Усе навіны
Эканоміка
26 сакавіка 2024, 19:31

Савет ЕЭК устанавіў тарыфную льготу на ўвоз тавараў для вытворчасці электратэхнічнай прадукцыі

Фота з архіва
Фота з архіва
26 сакавіка, Масква /Эдуард Півавар - БЕЛТА/. Савет Еўразійскай эканамічнай камісіі прыняў рашэнне прадаставіць чатыром краінам ЕАЭС, у тым ліку Беларусі, тарыфную льготу ў выглядзе вызвалення ад выплаты ўвазной мытнай пошліны адносна асобных відаў тавараў для вытворчасці электратэхнічнай прадукцыі. Аб гэтым БЕЛТА паведамілі ў прэс-службе ЕЭК.

"Для тавараў, якія класіфікуюцца кодамі 4413 00 000 0 і 8535 90 000 8 таварнай наменклатуры знешнеэканамічнай дзейнасці ЕАЭС, тарыфная льгота будзе прадастаўляцца пры іх увозе ў Рэспубліку Беларусь, Рэспубліку Казахстан, Кыргызскую Рэспубліку і Расійскую Федэрацыю па 28 лютага 2026 года ўключна", - адзначылі ў прэс-службе.

"Прынятая мера мытна-тарыфнага рэгулявання павінна стварыць спрыяльныя ўмовы для доўгатэрміновага развіцця электрамашынабудаўнічай галіны, а таксама павысіць яе канкурэнтаздольнасць на ўнутраным і знешнім рынках", - пракаменціраваў рашэнне дырэктар Дэпартамента мытна-тарыфнага і нетарыфнага рэгулявання ЕЭК Ваагн Казаран.

Умовай прадастаўлення тарыфнай ільготы з'яўляецца наяўнасць пацвярджэння мэтавага прызначэння тавараў, выдадзенага ўпаўнаважаным органам. У ЕЭК удакладнілі, што гэта рашэнне ўступае ў сілу 31 сакавіка.-0-
Падпісвайцеся на нас у
Twitter
Топ-навіны
Свежыя навіны Беларусі