30 снежня, Мінск /Кар. БЕЛТА/. Савет Міністраў 28 снежня прыняў пастанову нумар 933, якой карэкціруецца парадак ажыццяўлення дзяржаўных закупак. Адпаведныя змяненні ўнесены ў пастанову Савета Міністраў ад 15 чэрвеня 2019 года нумар 395, паведамляе БЕЛТА са спасылкай на Нацыянальны прававы інтэрнэт-партал.
Як паведамілі ў прэс-службе Міністэрства антыманапольнага рэгулявання і гандлю, згодна з прававым актам у 2023 годзе захоўваецца магчымасць мяняць цану дагавора дзяржзакупкі, тэрміны выканання абавязацельстваў пастаўшчыком (падрадчыкам, выканаўцам) і парадак аплаты з улікам выканання пэўных умоў.
Акрамя таго, прадугледжваецца права закупкі прадуктаў харчавання з адной крыніцы ў 2023-2024 гадах; з адной крыніцы паслуг па распрацоўцы, дапрацоўцы, мадэрнізацыі, інфармацыйным і тэхнічным суправаджэнні афіцыйных інтэрнэт-сайтаў дзяржаўных органаў і арганізацый у дзяржаўных унітарных прадпрыемстваў, гаспадарчых таварыстваў, больш за 50 працэнтаў акцый (долей у статутным фондзе) якіх знаходзіцца ва ўласнасці Беларусі і (або) яе адміністрацыйна-тэрытарыяльных адзінак. Таксама прадугледжваецца права закупкі з адной крыніцы паслуг па правядзенні сацыялагічных даследаванняў, уключаючы навукова-даследчыя работы, у юрыдычных асоб, акрэдытаваных камісіяй па апытаннях грамадскай думкі пры Нацыянальнай акадэміі навук Беларусі.
"Прыняцце пастановы дасць магчымасць скараціць выдаткі і час на правядзенне працэдур закупак, арганізаваць бесперабойнае забеспячэнне арганізацый неабходнымі таварамі (работамі, паслугамі)", - адзначылі ў профільным ведамстве.-0-
