ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -5°C
Усе навіны
Усе навіны
Эканоміка
15 лістапада 2022, 16:26

Сарты айчыннай селекцыі займаюць больш за 80 працэнтаў пасяўных плошчаў Беларусі

Фота з архіва
Фота з архіва

15 лістапада, Мінск /Кар. БЕЛТА/. Сарты айчыннай селекцыі займаюць больш за 80 працэнтаў пасяўных плошчаў Беларусі. Аб гэтым паведаміў сёння на прэс-канферэнцыі першы намеснік генеральнага дырэктара НПЦ НАН Беларусі па земляробстве Эрома Урбан, перадае карэспандэнт БЕЛТА.

НПЦ па земляробстве праводзіць селекцыйны працэс па больш як 30 відах сельгасраслін, ахоплівае ўсе асноўныя культуры, якія растуць на палях краіны. Цэнтр разам з даччынымі прадпрыемствамі з 1965 года стварыў больш як 600 сартоў. За апошнія тры гады ў дзяржрэестр уключана 22 новыя сарты іх селекцыі.

"Усе зарэгістраваныя сарты нашага цэнтра маюць даволі высокі ўзровень прадукцыйнасці: у збожжавых - больш за 100 ц/га, рапсу і зернебабовых - 50-60 ц/га, лёну-даўгунцу - 46-51 ц/га. Гэтыя сарты паспяхова канкурыруюць з лепшымі дасягненнямі замежнай селекцыі. Па гэтай прычыне ў 2022 годзе на палях краіны вырошчваюць больш за 180 сартоў нашага селекцыйнага цэнтра. Яны займаюць больш як 80 працэнтаў пасяўных плошчаў. А па такіх культурах, як азімае жыта, авёс, кармавы ячмень, грэчка, яравая пшаніца і лубін, айчынныя сарты займаюць больш за 90 працэнтаў", - сказаў Эрома Урбан.

Беларускія сарты сельгаскультур сустракаюцца і на тэрыторыі іншых дзяржаў, у тым ліку Расіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі