Фота з архіва
15 лістапада, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў 15 лістапада правёў сустрэчу са старшынёй В'етнамскай гандлёва-прамысловай палаты Фам Тан Конгам. Аб гэтым карэспандэнту БЕЛТА расказалі ў беларускай загранустанове ў В'етнаме.
Падчас сустрэчы адбыўся абмен думкамі адносна бягучага і перспектыўнага гандлёва-эканамічнага супрацоўніцтва Беларусі і В'етнама, а таксама па пытаннях актывізацыі ўзаемадзеяння паміж гандлёва-прамысловымі палатамі дзвюх краін.
Дыпламат адзначыў гатоўнасць беларускага боку аказаць садзейнічанне ў арганізацыі візіту В'етнамскай гандлёва-прамысловай палаты ў горад Мінск з мэтай правядзення двухбаковага бізнес-форуму.-0-
