ДЗЯРЖОРГАНЫДЗЯРЖОРГАНЫ
Флаг Аўторак, 9 жніўня 2022
Мінск Малавоблачна +15°C
Усе навіны
Усе навіны
Эканоміка
17 чэрвеня 2022, 13:15

Планава-папераджальны рамонт першага энергаблока БелАЭС завершыцца ў ліпені

Фота з архіва
Фота з архіва

17 чэрвеня, Мінск /Кар. БЕЛТА/. Планава-папераджальны рамонт першага энергаблока БелАЭС завершыцца ў ліпені. Аб гэтым паведаміў журналістам міністр энергетыкі Віктар Каранкевіч у час адкрыцця Дня электратранспарту ў Мінску, перадае карэспандэнт БЕЛТА.

"Цяпер першы энергаблок знаходзіцца на планава-папераджальным рамонце - гэтыя работы праводзяцца на атамных станцыях штогод, гэта звычайная практыка. Плануецца, што рамонт завершыцца ў ліпені і блок зноў будзе ўключаны ў сетку і выведзены на намінальную магутнасць", - сказаў Віктар Каранкевіч.

Што датычыцца другога энергаблока, яго будаўнічая гатоўнасць - 96 працэнтаў. "Цяпер там вядуцца асобныя работы, звязаны з водна-хімічным рэжымам. Далей работа будзе выбудоўвацца з улікам праграм па фізічным, энергетычным пуску, правядзенні доследна-прамысловай эксплуатацыі з наступнай здачай блока", - адзначыў міністр.

Дзень электратранспарту праводзіцца ўжо трэці год для папулярызацыі электрамабіляў як экалагічнага і эканамічнага віду транспарту, які садзейнічае фарміраванню камфортнага гарадскога асяроддзя. На гэты раз выстаўка разгарнулася на пляцоўцы каля Нацыянальнай бібліятэкі. У ёй прымаюць удзел больш за 20 кампаній.

Гэта ўнікальная пляцоўка, дзе можна ўбачыць усе віды электратранспарту - ад легавых і грузавых электрамабіляў, электробусаў да электраматацыклаў і электравеласіпедаў. У склад выстаўкі таксама ўвайшлі новыя ўзоры электрагрузавіка, электрамінівэна айчыннай вытворчасці. Жадаючыя могуць даведацца аб развіцці сеткі зарадных станцый для электрамабіляў і перспектывах яе пашырэння.

Выстаўка сабрала шырокае кола ўдзельнікаў - прадстаўнікоў прамысловага комплексу, навуковых арганізацый, кампаній - імпарцёраў электрамабіляў. У іх ліку - "БКМ Холдынг", МАЗ, "АМКАДОР", "Беларуснафта", Нацыянальная акадэмія навук Беларусі, мотавелазавод, "БЕЛДЖЫ", кампаніі Green cars, Tesla cars, Electro car, MultiMotors, Sidus Auto і іншыя.

Арганізатарамі мерапрыемства выступаюць Міністэрства энергетыкі сумесна з Кітайска-беларускім індустрыяльным паркам "Вялікі камень" пры садзейнічанні Мінгарвыканкама.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі