ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск +22°C
Усе навіны
Усе навіны
Эканоміка
04 мая 2022, 10:59

Пяць абласцей Беларусі завяршылі сяўбу ранніх яравых

Фота з архіва
Фота з архіва

4 мая, Мінск /Кар. БЕЛТА/. Пяць абласцей Беларусі завяршылі сяўбу ранніх яравых. Аб гэтым паведамілі БЕЛТА ў Міністэрстве сельскай гаспадаркі і харчавання.

Паводле даных на 4 мая, раннія яравыя збожжавыя і зернебабовыя культуры (без кукурузы, грэчкі і проса) у краіне пасеялі на 630,2 тыс. га - гэта 97,8 працэнта ад запланаванага аб'ёму. У Магілёўскай вобласці гэтыя культуры пасеяны на 64 працэнтах плошчаў. У Мінскай, Віцебскай, Брэсцкай, Гродзенскай і Гомельскай абласцях сяўба ўжо завершана.

У цэлым яравая сяўба ў Беларусі праведзена на плошчы 1149,5 тыс. га, што складае 51,7 працэнта ад плана. У Брэсцкай вобласці пасеяна ўжо 67 працэнтаў ад запланаванага аб'ёму, Віцебскай - 50,5 працэнта, Гомельскай - 40,6 працэнта, Гродзенскай - 68,9 працэнта, Мінскай - 52,3 працэнта і ў Магілёўскай - 30,7 працэнта ад плана. Сяўба яравога рапсу выканана на плошчы 31,2 тыс. га, або 94,2 працэнта да плана, лёну - 29 тыс. га, або 58,6 працэнта, цукровых буракоў - 75,1 тыс. га, або 76,3 працэнта, аднагадовых траў - 94 тыс. га, або 35,3 працэнта. Агароднінныя культуры пасадзілі на плошчы 2,16 тыс. га - гэта 34,8 працэнта ад плана, бульбу высадзілі на 6,81 тыс. га, што складае 33,1 працэнта ад запланаванага аб'ёму. Кукуруза пасеяна на плошчы 274,8 тыс. га, або 26 працэнтаў ад плана.

Глебу пад сяўбу яравых культур падрыхтавалі на 1411,2 тыс. га - гэта 63,5 працэнта ад плана. У бягучым годзе гэтыя культуры будуць размешчаны на плошчы 2221,9 тыс. га.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі