ДЗЯРЖОРГАНЫДЗЯРЖОРГАНЫ
Флаг Пятніца, 2 снежня 2022
Мінск Суцэльная воблачнасць -8°C
Усе навіны
Усе навіны
Эканоміка
06 верасня 2022, 13:04

Пілотны праект па маркіроўцы ювелірных вырабаў у Беларусі прадоўжаны на два гады

Фота з архіва
Фота з архіва

6 верасня, Мінск /Кар. БЕЛТА/. Пілотны праект па маркіроўцы ювелірных вырабаў у Беларусі прадоўжылі да 31 жніўня 2024 года. Гэта прадугледжана пастановай Савета Міністраў нумар 586 ад 2 верасня 2022 года, якая афіцыйна апублікавана на Нацыянальным прававым інтэрнэт-партале, паведамляе БЕЛТА.

Праект стартаваў 1 верасня 2019 года і павінен быў завяршыцца 31 жніўня 2020-га. Але тэрмін яго рэалізацыі прадоўжылі на два гады, а цяпер яшчэ на два.

Пілотны праект рэалізуецца на добраахвотнай аснове. Маркіроўка складаецца са знака абароны і кода ідэнтыфікацыі. Рэалізацыя праекта забяспечваецца міністэрствамі фінансаў, па падатках і зборах, антыманапольнага рэгулявання і гандлю, сувязі і інфарматызацыі і Дзяржаўным мытным камітэтам.

Выдавецтва "Белбланкавыд" з'яўляецца аператарам аўтаматызаванай інфармацыйнай сістэмы маркіроўкі ювелірных вырабаў Беларусі (АІС).

Па выніках пілотнага пректа будзе прынята рашэнне аб мэтазгоднасці ўвядзення на тэрыторыі Беларусі абавязковай маркіроўкі ювелірных вырабаў.

Пастанова ўступіла ў сілу пасля афіцыйнага апублікавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі