ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -2°C
Усе навіны
Усе навіны
Эканоміка
21 лістапада 2022, 18:21

Пархомчык расказаў аб перспектывах супрацоўніцтва з Удмуртыяй

21 лістапада, Мінск /Кар. БЕЛТА/. Намеснік прэм'ер-міністра Беларусі Пётр Пархомчык абазначыў перспектывы супрацоўніцтва ў час сустрэчы з кіраўніком Удмурцкай Рэспублікі Аляксандрам Брачалавым, перадае карэспандэнт БЕЛТА.

"Урад і Прэзідэнт Беларусі адводзяць вельмі важную ролю рабоце з рэгіёнамі Расіі. Гэта работа пастаўлена на трывалы фундамент. І з улікам бягучай сітуацыі ўсё, што адбываецца адносна Расіі і Беларусі, прымушае нас рухацца значна хутчэй, чым мы гэта рабілі раней", - сказаў Пётр Пархомчык.

Паводле яго слоў, Беларусь здолела шмат захаваць, што засталося з савецкіх часоў. "І не проста захаваць, а мадэрнізаваць, вывесці на новы тэхнічны ўзровень, гэта і з'яўляецца нашай перавагай", - падкрэсліў ён.

Гаворачы аб супрацоўніцтве Беларусі з Удмурцкай Рэспублікай, Пётр Пархомчык у першую чаргу адзначыў сферу машынабудавання. У прыватнасці, сельгасмашынабудаванне. "Гэта тое, што ўжо апрабавана, шырока выкарыстоўваецца на палях Беларусі. Мінулую нядзелю нашы сельгаспрадпрыемствы адзначылі прафесійнае свята, да якога яны прыйшлі з добрымі вынікамі. Гэта сведчыць аб тым, што тыя тэхналогіі і тое абсталяванне, якое выкарыстоўваецца ў нашай краіне, даюць рэзультат", - сказаў віцэ-прэм'ер.

Таксама ён акцэнтаваў увагу на аўтамабілебудаванні. "Усё, што мы вырабляем, мы выпрабоўваем і адаптуем у сябе, у Беларусі, а потым прапаноўваем ужо на экспарт. Таму тут ёсць шмат прапанаванняў: гэта і звычайныя аўтобусы з рухавікамі ўнутранага згарання, і машыны, што працуюць на звадкаваным газе, электробусы, тралейбусы з аўтаномным ходам, трамваі. Беларусь у гэтым плане гатова забяспечваць Удмуртыю ўсёй неабходнай тэхнікай", - дадаў намеснік прэм'ер-міністра.

Яшчэ адна перспектыўная сфера - станкабудаванне. "У нас ёсць пэўныя магчымасці, кампетэнцыі, мы гатовы супрацоўнічаць у гэтым напрамку", - паведаміў Пётр Пархомчык.

Паводле яго слоў, мікраэлектроніка - таксама цікавы блок для ўзаемадзеяння. "Ёсць прадпрыемства "Планар", якое вырабляе неабходную тэхнічную аснастку для мікраэлектронікі. Цяпер яно працуе ў цеснай звязцы з расійскімі арганізацыямі, а таксама пастаўляе тэхналагічнае абсталяванне і ў іншыя краіны," - расказаў ён.

Як адзначыў намеснік кіраўніка ўрада, Беларусь і Удмурцкая Рэспубліка могуць наладзіць узаемавыгаднае супрацоўніцтва ў сферы сельскай гаспадаркі і будаўніцтва. Па названых напрамках Беларусь можа рэалізоўваць праекты пад ключ, такі вопыт ужо ёсць.

"Вельмі важным момантам з'яўляецца кааперацыя паміж суб'ектамі гаспадарання і пошукі тых напрамкаў, якія давалі б рэзультат. Мы за двухбаковы рух, за тое, каб была цікавасць і з аднаго, і з другога боку для вырашэння комплексных задач", - рэзюмаваў Пётр Пархомчык.

У сваю чаргу кіраўнік Удмурцкай Рэспублікі Александр Брачалаў адзначыў, што прадпрымальнікі Беларусі і названага расійскага рэгіёна знаходзяць агульныя інтарэсы, гэта ўпэўнена канверсуецца ў павышэнне якасці жыцця людзей.

Сёння Аляксандр Брачалаў наведаў холдынг "АМКАДОР", дзе азнаёміўся з вытворчасцю беларускай тэхнікі. "Мы не новую старонку адкрываем, а прадаўжаем наша актыўнае супрацоўніцтва. Любыя складаныя часы - гэта ў першую чаргу магчымасці. І для нашых прадпрыемстваў цяпер - час магчымасцей. Пасля адыходу з рынку заходніх кампаній адкрыліся новыя нішы, і бізнес да гэтага вельмі хутка адаптуецца", - падкрэсліў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі