Сцяг Аўторак, 28 мая 2024
Усе навіны
Усе навіны
Эканоміка
05 красавіка 2024, 15:31

Падтрымка экспарту і МСП, лічбавізацыя: новы кіраўнік Банка развіцця назваў напрамкі работы

5 красавіка, Мінск /Кар. БЕЛТА/. Новы старшыня праўлення Банка развіцця Сяргей Сталярчук у размове з журналістамі пералічыў асноўныя напрамкі далейшай работы і пастаўленыя перад банкам задачы, перадае карэспандэнт БЕЛТА.

Да гэтага часу Сяргей Сталярчук працаваў у гэтым жа банку на пасадзе намесніка старшыні праўлення.

"Зроблена вельмі многае, кожны год мы ставілі сабе новыя задачы, шукалі новыя магчымасці для развіцця эканомікі краіны. За апошнія гады наш інстытут развіцця стаў дзейсным інструментам па вырашэнні важных і складаных задач у эканамічным сектары. Менавіта гэта, на мой погляд, з'яўляецца місіяй банка - бачыць перспектывы, якія не заўважаюць іншыя, рабіць тое, чаго не могуць іншыя. У 2024 годзе наглядальным саветам пастаўлены амбіцыйныя задачы перад намі. Упэўнены, што мы не толькі іх выканаем, але і прапануем ураду, наглядальнаму савету новыя задачы для Банка развіцця", - сказаў новы старшыня праўлення.

Паводле яго слоў, пастаўленыя перад банкам задачы датычацца рэальнай падтрымкі эканомікі краіны. Гэта фінансаванне інвестыцыйных праектаў, падтрымка экспарту, малога і сярэдняга бізнесу, аўтаматызацыя і лічбавізацыя дзяржаўных працэдур, лічбавізацыя сістэмы аховы здароўя, маніторынг цэн, а таксама работа з краінамі далёкай дугі - дапамога партнёрам, вытворцам у продажах на новых рынках.

"Прадукцыя нашых вытворцаў карыстаецца вялікім попытам. Гэта ідэальныя суадносіны цаны і якасці, сэрвіснага абслугоўвання. Мы ўдзельнічаем у мадэрнізацыі прамысловасці, у тым ліку станкабудавання, у рэалізацыі інтэграцыйных імпартазамяшчальных праектаў і разумеем, якім прадуктам краіна будзе валодаць у гэтым і наступным годзе. І ўжо цяпер пры правядзенні перагавораў з замежнымі партнёрамі прадаем тую прадукцыю, якую будзем вырабляць у будучым", - адзначыў Сяргей Сталярчук.

Ён прывёў прыклады работы на замежных рынках. "З Узбекістанам быў падпісаны кантракт на пастаўку 1 тыс. трактароў. Мы прафінансавалі гэту пастаўку. У маі будзе прафінансавана чарговая пастаўка туды трактароў. Акрамя таго, на наступным тыдні плануецца візіт у Нікарагуа, там вялікая патрэбнасць у дарожна-будаўнічай, пажарнай тэхніцы", - праінфармаваў новы кіраўнік Банка развіцця.-0-
Падпісвайцеся на нас у
Twitter
Топ-навіны
Свежыя навіны Беларусі